ესპანეთში, ბასკეთის მხარეში ვიზიტის ფარგლებში, „ქართული ოცნების” თავმჯდომარე, ირაკლი კობახიძე, დელეგაციის წევრებთან ერთად, ბასკეთის მმართველი პარტიის ლიდერს, ანდონი ორტუსარს შეხვდა.

ამის შესახებ ინფორმაციას პარტია „ქართული ოცნება - დემოკრატიული საქართველო“ ავრცელებს.

მათივე ცნობით, შეხვედრაზე საუბარი შეეხო მმართველ პარტიებს შორის სამომავლო თანამშრომლობას, საქართველოს მხარდაჭერას ევროინტეგრაციის გზაზე და ქართულ-ბასკური ურთიერთობების გაღრმავებას.

როგორც პარტიის მიერ გავრცელებულ ინფორმაციაშია აღნიშნული, შეხვედრას ესწრებოდნენ საქართველოს პარლამენტის საგარეო ურთიერთობათა კომიტეტის თავმჯდომარე, ნიკოლოზ სამხარაძე და პარლამენტის წევრი, მიხეილ ყაველაშვილი.