გიორგი ვოლსკი მოლდოვის რესპუბლიკის ვიცე-პრემიერს შეხვდა

საქართველოს პარლამენტის თავმჯდომარის პირველმა მოადგილემ გიორგი ვოლსკიმ და მოლდოვის ვიცე-პრემიერმა რეგიონული უსაფრთხოების გამოწვევებზე, ორ ქვეყანას შორის თანამშრომლობის და წარმატებული გამოცდილების გაზიარების შესახებ იმსჯელეს.

ვიცე-სპიკერმა გიორგი ვოლსკიმ ოლეგ სერებრიანთან შეხვედრისას ოკუპირებულ რეგიონებში არსებულ ვითარებაზე ისაუბრა.

შეხვედრაზე ასევე გამახვილდა ყურადღება იმ პერსპექტივებზე, რომელიც ხელოვნურად გაყოფილ საზოგადოებებს შორის ურთიერთობების განვითარებას შეიძლება ჰქონდეს. ასევე აღინიშნა საერთაშორისო თანამეგობრობის მხარდაჭერის კონსოლიდაციის აუცილებლობა.

„ერთმანეთს გავუზიარეთ მოსაზრებები პერიოდთან დაკავშირებით, როცა სამშვიდობო მოლაპარაკებები საერთაშორისო ჩართულობით საკმაოდ ინტენსიურად მიმდინარეობდა. განვიხილეთ ეკონომიკური ურთიერთობები, მთელი სპექტრი იმ პრობლემებისა, რომელიც მოლდოვას დღეს ახასიათებს და ის რეალური სიტუაცია, რაც არსებობს დღეს ოკუპირებულ ტერიტორიაზე, პერსპექტივები, რაც საზოგადოებებს შორის ურთიერთობების განვითარებას შეიძლება ჰქონდეს“,- განაცხადა შეხვედრის დასრულების შემდეგ გიორგი ვოლსკიმ.

დღეს გამართულ შეხვედრას ასევე ესწრებოდნენ დეპუტატები: გიორგი ხელაშვილი, ეკა სეფაშვილი, ნინო იობაშვილი, ლევან ქარუმიძე და ისკო დასენი.

ინფორმაციას პარლამენტი ავრცელებს.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის