გურამ მაჭარაშვილი - ხაბეიშვილი პირდაპირ ამბობს, რომ ის არის რევოლუციის და ქაოსის სიმბოლო - რაც ნაწინასწარმეტყველები იყო, „ნაცმოძრაობაში“ ის ხდება, აქამდე რაც იყო ჟურნალია, ახლა იწყება თავდავიწყება
„ნაცმოძრაობაში" რაც ნაწინასწარმეტყველები იყო, ის ხდება, აქამდე რაც იყო ჟურნალია, ახლა იწყება თავდავიწყება - „ნაცმოძრაობა" უკვე პრაქტიკულად დაშლილია, რა და როგორ მოხდება ეს უკვე ტექნიკის საკითხია, - ამის შესახებ ჟურნალისტებთან საპარლამენტო უმრავლესობის დეპუტატმა, "ხალხის ძალის" წევრმა გურამ მაჭარაშვილმა განაცხადა.
როგორც მაჭარაშვილი აცხადებს, "ნაციონალური მოძრაობის" დაშლა ხელს შეუწყობს ოპოზიციური სპექტრის განვითარებას და ამას საზოგადოება დაინახავს.
„დღეს პირველი ცეცხლი გაიხსნა და ითქვა, რომ გამარჯვებულ მხარეს ეკისრება პასუხისმგებლობა, რომ არეულობა და ქაოსი პარტიაში არ იყოს, თუმცა, მინდა შევახსენო ყველას, რომ გამარჯვებული მხარეა ხაბეიშვილი, რომელმაც თქვა, რომ "ჩემს უკან არის მერაბიშვილი და კეზერაშვილი და მე მინდა რევოლუცია". რანაირად იქნება ეს განცხადება იმის გარანტი, რომ სადმე შეიძლება იყოს სიმშვიდე?! პირდაპირ ამბობს ადამიანი, რომ ის არის რევოლუციის და ქაოსის სიმბოლო”, - განაცხადა მაჭარაშვილმა.
