გია ვოლსკი - მამუკა ხაზარაძე ახალ მოძრაობას ვერ შექმნის თუ ნიკა მელიას შეუერთდება - როცა მავნებელთა ორი გუნდი ერთიანდება, არ კარგავს არც შინაარს და არც ფერს
ახალ მოძრაობას მამუკა ხაზარაძე ვერ შექმნის - ვერ წარმომიდგენია სერიოზული პოლიტიკური გაერთიანება სერიოზული გეგმებითა და პატრიოტული სულისკვეთებით გაერთიანება „ლელოსთან“ შექმნას, - ამის შესახებ ჟურნალისტებს „ქართული ოცნების“ ერთ-ერთმა ლიდერმა გია ვოლსკიმ განაცხადა.
ვოლსკის თქმით, როცა პოლიტიკური ძალა მის მიმართ მოთხოვნას კარგავს, ახალი გაერთიანების შექმნაზე ლაპარაკს იწყებს, „მაგრამ ნებისმიერი გაერთიანება, რომელიც „ნაცმოძრაობის“ ორბიტაში შეიქმნა, ორიენტირებულია დესტაბილიზაციაზე, რათა ხელისუფლებაში არჩევნების გარეშე მოვიდეს“.
„ჩრდილოვანი მმართველობა განსაკუთრებით მამუკა ხაზარაძის მოკავშირე "ნაციონალურ მოძრაობას" ახასიათებს, რომლის უკან ფინანსური რესურსებით - დავით კეზერაშვილი, პოლიტიკური რესურსებით მერაბიშვილი დგას, წინ ჰყავთ წამოწეული - ხაბეიშვილი, რომლის გვარიც შეიძლება უცებ არ მოგაგონდეს, როცა პოლიტიკოსების სიას გადახედავ.
რჩევებს არავისგან იღებენ, მაგრამ კარგი იქნება, თუ წალენჯიხაში ერთ პროექტს მაინც განახორციელებენ, რაც მანამდე თქვეს. რაღაც გაერთიანებებზე საუბარი ახალი არ არის - როცა პოლიტიკური ძალა დავიწყებას ეძლევა და საზოგადოებისთვის თავის შეხსენება უნდა, უცებ გაერთიანებებზე იწყებს საუბარს, რომელმაც ვითომდა პროდასავლური გეზი უნდა აიღოს და ძალების კონსოლიდაცია მოახდინა.
ყველამ ყველაფერი კარგად იცის, რეალურ სურათს ვხედავთ - არსებობენ მავნებლების გაერთიანება და რეალური ოპოზიციური ძალები, რომლებიც ხელისუფლებას ოპონირებას ცდილობენ. ხელისუფლება კი, ქვეყნის სამშვიდობოს გაყვანას ცდილობს.
თუ მამუკა ხაზარაძეს ნიკა მელია შეუერთდება, არ ვიცი, ვინ ვის მოუტანს რაიმე პოლიტიკურ სარგებელს, მაგრამ როცა მავნებელთა ორი გუნდი ერთიანდება, არ კარგავს არც შინაარს და არც ფერს“, - განაცხადა გია ვოლსკიმ.
