იენს სტოლტენბერგი - თუ პუტინი გაიმარჯვებს უკრაინაში, ეს იქნება ტრაგედია უკრაინელებისთვის და ასევე ძალიან სახიფათო გზავნილს გაუგზავნის ავტორიტარულ ლიდერებს მთელს მსოფლიოში
ნატო-ს გენერალურმა მდივანმა, იენს სტოლტენბერგმა და იაპონიის პრემიერ-მინისტრმა ფუმიო კიშიდამ განაცხადეს, რომ უკრაინაში რუსეთის შეჭრამ და ჩინეთთან მზარდმა სამხედრო თანამშრომლობამ მეორე მსოფლიო ომის შემდეგ უსაფრთხოების ყველაზე დაძაბული ფონი შექმნა.
იენს სტოლტენბერგის თქმით, უკრაინის წინააღმდეგ რუსეთის ომის ფონზე ნატო-მ და იაპონიამ ურთიერთობები უნდა გააღრმაონ.
„უკრაინის ომი აჩვენებს, რომ ჩვენი უსაფრთხოება მჭიდროდ არის დაკავშირებული. თუ პრეზიდენტი პუტინი გაიმარჯვებს უკრაინაში, ეს იქნება ტრაგედია უკრაინელებისთვის და ასევე, ძალიან სახიფათო გზავნილს გაუგზავნის ავტორიტარულ ლიდერებს მთელს მსოფლიოში, რადგან გზავნილი იქნება, რომ მათ შეუძლიათ მიაღწიონ თავიანთ მიზნებს, თუ გამოიყენებენ სამხედრო ძალას. ამიტომ, უკრაინის ომი ყველას გვეხება“, - აღნიშნა სტოლტენბერგმა.
