აშშ-მა უკრაინის მიერ ამერიკული სახსრების არამიზნობრივად გამოყენების ნიშნები ვერ აღმოაჩინა. ამის შესახებ აშშ-ის სახაზინო დეპარტამენტის განცხადებაშია ნათქვამი.

“ჩვენ არ გაგვაჩნია არანაირი მტკიცებულებები იმისა, რომ აშშ-ის სახსრები უკრაინაში არამიზნობრივად იქნა გამოყენებული. მივესალმებით უკრაინის მთავრობის მუდმივ ძალისხმევებს, რომლებიც ჩვენთან თანამშრომლობაზეა მიმართული, რათა მოხდეს შესაბამისი გარანტიების უზრუნველყოფა, რომ ამერიკული დახმარება იმათამდე მივა, ვისთვისაც არის განკუთვნილი”, - წერია უწყების პრესმდივნის მეგან აპერის განცხადებაში.

მან დაამატა, რომ აშშ-ის სახაზინო დეპარტამენტი ამერიკულ სახსრებზე ზედამხედველობისთვის უკრაინასთან, მსოფლიო ბანკთან და სხვა პარტნიორებთან თანამშრომლობას გააგრძელებს, “რათა დაადასტუროს, რომ ისინი მიზნობრივად გამოიყენება”.