საქართველოს რკინიგზის გენერალური დირექტორი ბრიუსელში სექტორის გამოწვევებზე საუბრობს

საქართველოს რკინიგზის გენერალური დირექტორი ბრიუსელში ევროპის სარკინიგზო გაერთიანების (CER) ხელმძღვანელს შეხვდა.

საქართველოს რკინიგზის ინფორმაციით, დავით ფერაძემ ალბერტო მაცოლას საქართველოს რკინიგზის მიმდინარე პროექტები, არსებული გამოწვევები და კომპანიის შედეგები გააცნო.

საქართველოს რკინიგზის გენერალურმა დირექტორმა კომპანიის ევროდირექტივებსა და ევრორეგულაციებთან მიახლოების საკითხები და პროგრესი განიხილა, ასევე დეტალურად ისაუბრა თუ რა პროცესებს გადის ამ ეტაპზე საქართველოს რკინიგზა. მხარეებმა შეხვედრაზე სექტორულ ცვლილებებსა და მასთან დაკავშირებულ გამოწვევებზეც გაამახვილეს ყურადღება.

„ევროპის სარკინიგზო გაერთიანების ხელმძღვანელმა საქართველოს რკინიგზას სრული მხარდაჭერა გამოუცხადა და აღნიშნა, რომ ევროდირექტივების შესრულების პროცესში, მზად არის კომპანიის მენეჯმენტს ევროპული ქვეყნების მაგალითზე საკუთარი გამოცდილება გაუზიაროს. დაგეგმილი რეფორმების განვითარების ხელშეწყობისა და ურთიერთთანმშრომლობის კიდევ უფრო გაძლიერების მიზნით, სამუშაო ჯგუფის შექმნა დაიგეგმა. აქვე აღსანიშნავია, რომ საქართველო, ევროპის სარკინიგზო გაერთიანების პარტნიორი სახელმწიფოა. ალბერტო მაცოლა აღნიშნულ პოზიციაზე კოვიდ პანდემიის პერიოდში დაინიშნა, სწორედ ამიტომ ეს მხარეებს შორის პირველი პირისპირ შეხვედრა იყო“,- აღნიშნულია გავრცელებულ ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია