ავსტრალიამ ირანს რუსეთისთვის დრონების მიწოდების გამო დამატებითი სანქციები დაუწესა.

CNN -ის ცნობით, ამის შესახებ ავსტრალიის საგარეო საქმეთა მინისტრმა პენი ვონგმა განაცხადა და აღნიშნა, რომ ფინანსური სანქციები დაუწესდება 4 ფიზიკურ და 4 იურიდიულ პირს, რომლებიც ჩართულები იყვნენ დრონების წარმოებასა და მათი რუსეთისთვის გადაცემის პროცესში.

ავსტრალიის პირველი დიპლომატის ცნობით, სანქციები უფრო ფართომასშტაბიანი ზომების ნაწილია, რომელიც ავსტრალიამ ირანისა და მიანმარის წინააღმდეგ ადამიანის უფლებების დარღვევისთვის მიიღო.

„ავსტრალია დგას მიანმარის, ირანისა და უკრაინის ხალხის გვერდით დგას. ვიყენებთ ჩვენ ხელთ არსებულ ნებისმიერ სტრატეგიას დაწყებული დიალოგიდან და დიპლომატიიდან, დასრულებული სანქციებით, რათა დავიცვათ ადამიანის უფლებები“, - განაცხადა ავსტრალიის საგარეო საქმეთა მინისტრმა.