ამერიკის შეერთებული შტატების პრეზიდენტი ჯო ბაიდენი უკრაინის პრეზიდენტს ვოლოდიმირ ზელენსკის შესაძლოა, პოლონეთში შეხვდეს.

ამის შესახებ ინფორმაციას პოლონური გამოცემა Dziennik Gazeta Prawna კიევის დიპლომატიურ წყაროზე დაყრდნობით ავრცელებს.

გამოცემის ცნობით, მსგავსი მოლაპარაკებების ფორმატს ახლა ორივე მხარე განიხილავს.

გამოცემის ინფორმაციის თანახმად, ზელენსკი ბაიდენს 10-პუნქტიანი მშვიდობის გეგმას და სამხედრო დანაშაულების გამოსაძიებლად სპეციალური ტრიბუნალის იდეას წარუდგენს.

როგორც პოლონური მედია იუწყება, საუბარი ასევე შეეხება უკრაინისთვის შეიარაღების გადაცემას. ჯერჯერობით, ოფიციალურად ამერიკული და უკრაინული მხარეები პრეზიდენტების შეხვედრის შესაძლებლობას არ ადასტურებს.