ჩემი მდგომარეობა არის მკვეთრად გაუარესებული,- ამის შესახებ საქართველოს ყოფილმა პრეზიდენტმა მიხეილ სააკაშვილმა სასჯელის გადავადების, ან სასჯელისგან გათავისუფლებასთან დაკავშირებით საკუთარ სასამართლო პროცესზე დისტანციურად ჩართვისას განაცხადა, როდესაც უპასუხა მოსამართლე გიორგი არევაძის კითხვას, უტარდება თუ არა მკურნალობა და როგორია მისი ჯანმრთელობის მდგომარეობა.

ამასთან, მოსამართლემ სააკაშვილს ჰკითხა, აქვს თუ არა საკვებზე და მედიკამენტებზე ხელმისაწვდომობა, რაზეც მან დადებითი პასუხი გასცა.

მიხეილ სააკაშვილი სასჯელის გადავადების, ან სასჯელისგან გათავისუფლებასთან დაკავშირებით საკუთარ სასამართლო პროცესს, რომელიც თბილისის საქალაქო სასამართლოში ამ წუთებში მიმდინარეობს, კლინიკა "ვივამედიდან" დისტანციურად ერთვება.

ამასთან, შეგახსენებთ, რომ დღევანდელ სასამართლო პროცესზე დაცვის მხარის მოწმეებს დაკითხავენ.