შინაგან საქმეთა მინისტრმა გერმანიის ფედერაციული რესპუბლიკის ელჩთან გაცნობითი შეხვედრა გამართა

საქართველოს შინაგან საქმეთა მინისტრმა, ვახტანგ გომელაურმა გერმანიის ფედერაციული რესპუბლიკის ელჩთან, ერნსტ პეტერ ფიშერთან გაცნობითი შეხვედრა გამართა, რომელსაც საქართველოში გერმანიის ფედერაციული რესპუბლიკის პოლიციის ატაშე, დიტრიხ ებერსიც ესწრებოდა.

შინაგან საქმეთა სამინისტროს მიერ გავრცელებული ინფორმაციით, მხარეებმა საქართველოსა და გერმანიის სამართალდამცავ უწყებებს შორის არსებული მჭიდრო და ნაყოფიერი თანამშრომლობის მნიშვნელობაზე ისაუბრეს.

„შინაგან საქმეთა მინისტრმა გერმანული მხარის მიმართ მადლიერება გამოხატა საქართველოს შინაგან საქმეთა სამინისტროს შესაძლებლობების განვითარებაში შეტანილი წვლილისთვის. შეხვედრის ფარგლებში საუბარი ასევე შეეხო რეგიონში უსაფრთხოების სფეროში არსებულ მდგომარეობას. მხარეებმა ხაზი გაუსვეს საქართველოს ევროპული ინტეგრაციის განსაკუთრებულ მნიშვნელობას და განიხილეს ამ მიზნით განხორციელებული, ასევე, მიმდინარე ღონისძიებები. შეხვედრის დასასრულს, მხარეებმა საქართველო-გერმანიის ურთიერთობების შემდგომი გაძლიერების მიზნით თანამშრომლობის სამომავლო პერსპექტივები განიხილეს“, - აღნიშნულია შსს-ის მიერ გავრცელებულ ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო