საქართველოს რკინიგზის დელეგაცია ბრიუსელში, ევროპის სარკინიგზო გაერთიანების ყოველწლიური დაჯილდოების ცერემონიას დაესწრო

საქართველოს რკინიგზის დელეგაცია ბრიუსელში, ევროპის სარკინიგზო გაერთიანების (CER) ყოველწლიური დაჯილდოების ცერემონიას დაესწრო. საქართველოს რკინიგზის ცნობით, ტრადიციულ ღონისძიებაზე ევროპული რკინიგზების წარმომადგენლები იკრიბებიან.

მათივე ინფორმაციით, წლევანდელ ცერემონიაზე რამდენიმე ნომინაციაში გამარჯვებულები გამოავლინეს, მათ შორის იყო უკრაინის რკინიგზა, რომელსაც ევროპის რკინიგზების გაერთიანების 2023 წლის ჯილდო გადაეცა.

„მნიშვნელოვანია, რომ ბოლო პერიოდში აქტუალური გახდა სარკინიგზო სექტორში ქალების როლის გაძლიერება. სწორედ ამის დასტურია, რომ სექტორის წლის ინოვატორის ჯილდო- ქალბატონმა მიიღო. აქვე უნდა აღინიშნოს, რომ ამ მიმართულებით აქტიურად მუშაობს საქართველოს რკინიგზაც. ღონისძიებაზე ევროპარლამენტის პრეზიდენტის ვიდეო მიმართვა აჩვენეს. რობერტა მაცოლამ აღნიშნა, რომ რკინიგზა უსაფრთხო, ეკომეგობრული ტრანსპორტია და რომ სარკინიგზო სექტორის განვითარება ევროპის მომავლისთვის არსებითად მნიშვნელოვანია. დაჯილდოების ცერემონიაზე შვედეთის, ესპანეთის და სხვა ქვეყნების წარმომადგენლებმა სფეროს გამოწვევებზე, კერძოდ გამარტივებულ სერვისებზე, ოპერატიულ გადაყვანებსა და მომსახურების გაუმჯობესებაზე ისაუბრეს. ღონისძიების ფარგლებში, საქართველოს რკინიგზის დელეგაცია უცხოელ კოლეგებს შეხვდა და სამომავლო თანამშრომლობის საკითხები განიხილა“, - აღნიშნულია გავრცელებულ ინფორმაციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავის ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო