გრიგორი კარასინი საქართველოსთან ავიამიმოსვლის შესაძლო აღდგენაზე - ტანგოს საცეკვაოდ ორია საჭირო

ტანგოს საცეკვაოდ ორია საჭირო, - ასეთი კომენტარი გააკეთა რუსეთის ფედერაციის საბჭოს საერთაშორისო საქმეთა კომიტეტის ხელმძღვანელმა გრიგორი კარასინმა საქართველოსთან ავიამიმოსვლის შესაძლო აღდგენასთან დაკავშირებით.

კარასინის თქმით, რუსეთი მზად არის, თბილისთან ავიამიმოსვლის აღსადგენად, მაგრამ ამისთვის ქართული მხარის თანხმობა არის საჭირო.

“ჩვენ, ბუნებრივია, განვიხილავთ ამას [ავიამიმოსვლის აღდგენას], აზრებს ვუზიარებთ ერთმანეთს. მაგრამ არის ასეთი ანდაზა, რომ „ტანგოს საცეკვაოდ ორია საჭირო“. და თუ დუეტის ერთ-ერთ მონაწილე ყოყმანობს, მაშინ ძალით ზეწოლა არ არის საჭირო. ასეთი შესაძლებლობა არის, ხოლო როგორი გადაწყვეტილება იქნება მიღებული, ჩვენზე არ არის დამოკიდებული”, - თქვა კარასინმა.

ცნობისთვის, აქამდე საქართველოსთან ავიამიმოსვლის აღდგენაზე რუსეთის საგარეო მინისტრმა სერგეი ლავროვმა 18 იანვარს გამართულ პრეს-კონფერენციაზე გამოთქვა იმედი. ლავროვმა საქართველოს მშპ-ის ზრდა აღნიშნა და განაცხადა, რომ ეს დიდწილად “ტურიზმისა და რუსეთის ფედერაციასთან სავაჭრო ურთიერთობების წყალობით” მოხდა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის