მე არ ვარ ექიმი, რომ შევაფასო მისი ჯანმრთელობის მდგომარეობა, მით უმეტეს, კადრებით ვერ ვიმსჯელებ ადამიანის ჯანმრთელობის მდგომარეობაზე , - ასე უპასუხა იუსტიციის მინისტრმა რატი ბრეგაძემ კითხვას, რა შთაბეჭდილება დარჩა საქართველოს მესამე პრეზიდენტის მიხეილ სააკაშვილის დღევანდელი სასამართლო პროცესზე ჩართვის კადრების ნახვისას.

მისი თქმით, ვიზუალით ვერ განსაზღვრავს, ვინ სად უნდა მოიხადოს სასჯელი.

„მე რატომ მეკითხებით მისი მდგომარეობის შესახებ? სამედიცინო პერსონალის მხრიდან გაკეთდა განცხადება, რომ მიხეილ სააკაშვილი არ აკმაყოფილებს იმ კრიტერიუმებს, რა შემთხვევაშიც პაციენტი რეანიმაციულ განყოფილებაში უნდა იყოს გადაყვანილი. მე ვიზუალით ვერ განვსაზღვრავ, ვინ სად უნდა მოიხადოს სასჯელი. ეს სასამართლოს გადასაწყვეტია“, - განაცხადა რატი ბრეგაძემ.