ბორის ჯონსონი - მიეცით უკრაინელებს შორი მოქმედების საარტილერიო სისტემები, ტანკები, თვითმფრინავები, ვინაიდან, მათ გეგმა აქვთ, იციან, რა უნდა გააკეთონ
დიდი ბრიტანეთის ყოფილი პრემიერ-მინისტრი ბორის ჯონსონი აშშ-ს უკრაინისთვის თვითმფრინავების, ტანკებისა და შორი მოქმედების არტილერიის გადაცემისკენ მოუწოდებს. ამის შესახებ მან ვაშინგტონში Atlantic Council-ში სიტყვით გამოსვლისას განაცხადა.
“გთხოვთ თქვენი მოქმედებების ლოგიკის ერთგულები დარჩეთ და მისცეთ უკრაინელებს ინსტრუმენტები იმისთვის, რომ ეს სამუშაო დაასრულონ. მიეცით მათ შორი მოქმედების საარტილერიო სისტემები, მიეცით მათ ტანკები, თვითმფრინავები, ვინაიდან მათ გეგმა აქვთ. მათ იციან რა უნდა გააკეთონ”, - თქვა ჯონსონმა.
მან აშშ-ს მოუწოდა უკრაინა საჭირო ყველაფრით უზრუნველყოს იმისათვის, რომ აზოვის სანაპიროს გასწვრივ “სახმელეთო დერეფანზე” კონტროლი დაიბრუნოს, რომელსაც ახლა რუსეთის ჯარები იყენებენ.
“თუ ისინი [უკრაინის შეიარაღებული ძალები] ამ ტერიტორიებს დაიბრუნებენ - რისი გაკეთებაც მათ შეუძლიათ და ამისთვის გეგმა აქვთ, - თუ დაიბრუნებენ მელიტოპოლს, ბერდიანსკს, მარიუპოლს, ამ ტერიტორიებზე კონტროლს აღადგენენ, პუტინისთვის ამას ის მნიშვნელობა ექნება, რომ თამაში დასრულებულია”, - თქვა ჯონსონმა.
