ესტონეთის ქალაქ ტირვაში უკრაინის პრეზიდენტის ვოლოდიმირ ზელენსკის ქვიშის ქანდაკება დადგეს. ქანდაკება თავისუფლების პარკშია განთავსებული.

ამის შესახებ ინფორმაციას ესტონეთის პრემიერ-მინისტრი კაია კალასი „ინსტაგრამის“ გვერდზე ავრცელებს.

მისი თქმით, ქალაქის მცხოვრებლებმა პირობა დადეს, რომ ვოლოდიმირ ზელენსკის ქანდაკება თავისუფლების პარკში ომში უკრაინის გამარჯვებამდე იქნება.

„ესტონეთის მხარდაჭერა უკრაინისადმი ურყევია - ამის ნიშნები მთელი ესტონეთის მასშტაბით შეინიშნება. ადგილობრივმა მცხოვრებლებმა ქალაქ ტირვაში თავისუფლების პარკი მოაწყვეს, რომელიც უკრაინას მიუძღვნეს, სწორედ იქ დგას პრეზიდენტ ზელენსკის ქვიშის ქანდაკება. მცხოვრებლებმა მზადყოფნა გამოთქვეს ეს ქანდაკება პარკში უკრაინის გამარჯვებამდე დატოვონ“, - განაცხადა კაია კალასმა.