„საქპატენტმა“ ანაზღაურებადი სტაჟირების კონკურსი გამოაცხადა

ინტელექტუალური საკუთრების სფეროში კვალიფიციური კადრების მომზადების, მათი პროფესიული განვითარებისა და პრაქტიკული უნარ-ჩვევების გამომუშავების მიზნით, „საქპატენტმა“ კონკურსი გამოაცხადა.

როგორც „საქპატენტის“ მიერ გავრცელებულ ინფორმაციაშია ნათქვამი, კონკურსი საქპატენტის გამოგონების და ახალი ჯიშების დეპარტამენტში სტაჟირების გასავლელად 10 კანდიდატის შერჩევას ითვალისწინებს. სტაჟირება ანაზღაურებადი იქნება.

„აუცილებელ მოთხოვნათა შორისაა, რომ კანდიდატი საბუნებისმეტყველო მეცნიერებების, მედიცინის, საინჟინრო ან მომიჯნავე მიმართულების ფაკულტეტის არანაკლებ ბაკალავრიატის საფეხურის III კურსის სტუდენტი იყოს. სასურველია დარგობრივი ინგლისური ენის ცოდნა. სტაჟირებისთვის შერჩეული კანდიდატების ფუნქციები მოიცავს წინასწარი საპატენტო ძიების ჩატარებას, ტექნიკის დონის ანალიზს, პატენტუნარიანობის წინასწარ შეფასებას, საპატენტო განაცხადებზე კანონმდებლობით გათვალისწინებული მოთხოვნების შესაბამისად საქმის წარმოებაში მონაწილეობას - საპატენტო ძიების ჩატარებას, ტექნიკის დონის ანალიზს, პატენტუნარიანობის შეფასებას და სხვა განსაზღვრულ ფუნქციებს. სტაჟირების პროცესში კანდიდატები გაივლიან ინტენსიურ სატრენინგო კურსს, რომლის დროსაც პრაქტიკულ გამოცდილებასთან ერთად, შეიძენენ თეორიულ ცოდნას შესაბამის დარგში.

სტაჟიორებს, რომლებსაც ექნებათ დადგენილი საკვალიფიკაციო მოთხოვნების შესაბამისი განათლება და განსაკუთრებული პროფესიული დაინტერესება, ასევე, სტაჟირების პერიოდში გამოავლენენ საქპატენტში მიღებული თეორიული ცოდნის პრაქტიკული გამოყენების უნარს, ექნებათ საქპატენტში დასაქმების პერსპექტივა. კონკურსის საკვალიფიკაციო მოთხოვნების, ვადების, სარგოს და პროცედურის შესახებ დეტალური ინფორმაცია, განთავსებულია საჯარო სამსახურის ბიუროს ვებგვერდზე https://www.hr.gov.ge/JobProvider/UserOrgVaks/Details/76725?active=1.

სტაჟირებით დაინტერესებულმა პირებმა უნდა გაიარონ ვებგვერდზე www.hr.gov.ge რეგისტრაცია, შეავსონ სააპლიკაციო ფორმა და გააკეთონ განაცხადი სტაჟირებაზე. განაცხადების მიღების ბოლო ვადაა 2023 წლის 8 თებერვალი“,- ნათქვამია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია