მეტროსადგურ „ვარკეთილის“ რეაბილიტაციაზე არასწორი ინფორმაცია ვრცელდებოდა- მხოლოდ 2 თვის შუალედით მოგვიწევს მეტროსადგურის ჩაკეტვა, ისიც ზაფხულის განმავლობაში, - ამის შესახებ დედაქალაქის მერმა, კახა კალაძემ ჟურნალისტებთან საუბრისას განაცხადა.

მისივე თქმით, კომპანია სამუშაოებს 9 თებერვალს დაიწყებს.

„მეტროსადგურ „ვარკეთილის“ რეაბილიტაციაზე არასწორი ინფორმაცია ვრცელდებოდა, არ ვიცი ეს მიზანმიმართული იყო, თუ - შეცდომა. ჩვენ 9 თებერვალს ვიწყებთ მეტროსადგურში სამუშაოებს, თუმცა არ ნიშნავს, რომ 9 თებერვლიდან, 18 თვის განმავლობაში იკეტება მეტროსადგური. არ არის ეს სწორი, არ დაუჯეროთ. მხოლოდ 2 თვის შუალედით (ივნისი-აგვიატო) მოგვიწევს მეტროსადგურის ჩაკეტვა, ესეც ზაფხულის განმავლობაში", - აღნიშნავს კალაძე.