პეტრას აუსტრევიჩუსი - სააკაშვილი, რომელმაც საქართველო გამოაღვიძა, 16 თვეა ციხეში იტანჯება, ეს პოლიტიკური პაექრობისთვის სამაგიეროს მიზღვა, ან წარსულში დაბრუნებაა - მოვუწოდებ მთავრობას, სააკაშვილს მიეცეს უფლება უცხოეთში წავიდეს
მოვუწოდებ {მთავრობას}, რომ სააკაშვილს დაუყოვნებლივ მიეცეს უფლება მკურნალობის მიზნით წავიდეს უცხოეთში, - ამის შესახებ ევროპარლამენტარმა პეტრას აუსტრევიჩუსმა მიხეილ სააკაშვილის შესახებ ევროპარლამენტში მიმდინარე დებატების დროს განაცხადა.
აუსტრევიჩუსის თქმით, მიხეილ სააკაშვილის საზღვარგარეთ გადაყვანა, ერთი მხრივ, მის სიცოცხლეს გადაარჩენს, ხოლო მეორე მხრივ , ქვეყანას ევროპული სახის შენარჩუნების შანსს მისცემს.
„საქართველოს ამჟამინდელი მთავრობა ამბობს, რომ პროევროპულია, მათ დასავლეთთან მჭიდრო კავშირები ჰქონდათ. ამავე დროს, ჩვენ ვხედავთ, რომ ქართული საზოგადოება ძალიან პოლარიზებულია და მიმდინარეობს ისეთი გაცხარებული პოლიტიკური ბრძოლა, რომელიც ელემენტარულ პოლიტიკურ კულტურას უგულებელყოფს.
მიხეილ სააკაშვილი, საქართველოს ყოფილი პრეზიდენტი, რომელმაც საქართველო გამოაღვიძა და ქვეყანა ძირფესვიანად შეცვალა, უკვე 16 თვეა ციხეში იტანჯება. ეს პოლიტიკური პაექრობისთვის სამაგიეროს მიზღვაა, ან წარსულში დაბრუნება - მე მოვუწოდებ {მთავრობას}, რომ სააკაშვილს დაუყოვნებლივ მიეცეს უფლება მკურნალობის მიზნით წავიდეს უცხოეთში, ეს გადაარჩენს მის სიცოცხლეს და ქვეყანას შანსს მისცემს ევროპული სახე შეინარჩუნოს“, - განაცხადა აუსტრევიჩუსმა.
