გია ვოლსკი - სააკაშვილისგან მინიშნებებია, რომ მას უნდა საქართველო მძევლად ჰყავდეს, ამბობს, დავანებებ საქართველოს ინტერესით სპეკულირებას თავს, თუ გამიშვებთ უკრაინაში, ან სხვა ქვეყანაშიო - ეს არის შანტაჟის ფორმა

პარლამენტის პირველი ვიცე-სპიკერის, გია ვოლსკის განცხადებით, საქართველოს მესამე პრეზიდენტს, მიხეილ სააკაშვილს უკრაინა აინტერესებს და არა საქართველო.

როგორც მან ჟურნალისტებთან განმარტა, აღნიშნულს ადასტურებს სააკაშვილის მიერ „ნაციონალური მოძრაობის“ თავმჯდომარე, ლევან ხაბეიშვილისთვის გაგზავნილი წერილიც.

ამასთან, ვოლსკი დასძენს, რომ ხაბეიშვილი, ბერიკაობას არ ეშვება, „ხელის და ფეხების დამტვრევას ჰპირდება მთავრობის და ხელისუფლების წარმომადგენლებს“.

„[მიხეილ სააკაშვილისგან] არც თუ შეფარული მინიშნებებია, რომ მე მინდა საქართველო მძევლად მყავდეს, დავანებებ მას თავს, დავანებებ საქართველოს ინტერესით სპეკულირებას თავს, თუ გამიშვებთ უკრაინაში, ან სხვა ქვეყანაშიო, თან მიუხედავად იმისა, რა დანაშაული არ უნდა მქონდეს ჩადენილი. ეს არის ადამიანის, თუ ადამიანთა ჯგუფის მხრიდან შანტაჟის ფორმა. მინიშნებაა, რომ მას [მიხეილ სააკაშვილს] უკრაინა აინტერესებს და არა - საქართველო. თუნდაც, ხაბეიშვილისთვის მიწერილი წერილი და განცხადებები, რომ მას საქართველოში არაფერი აინტერესებს. არ მიყვებით ამ ჩემს წინადადებას? მიიღებთ იმას, რასაც გემუქრებიან კუბილიუსი და ძმანი მისნიო; თუნდაც, ხაბეიშვილი, რომელიც ბერიკაობას არ ეშვება, ხელის და ფეხების დამტვრევას ჰპირდება მთავრობის და ხელისუფლების წარმომადგენლებს. ეს არის რეალობა. თუ გინდათ ამას არ უყუროთ, გამიშვითო. ეს არის მესიჯი“, - აღნიშნავს ვოლსკი.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო