სააკაშვილის საზღვარგარეთ სამკურნალოდ გადაყვანა ასევე დადებითი იქნებოდა საქართველოს პოლიტიკური მდგომარეობის გაუმჯობესებისთვის - ამის შესახებ ევროპარლამენტარმა ნაჩო სანჩეს ამორმა ევროპარლამენტში საქართველოს მესამე პრეზიდენტის, მიხეილ სააკაშვილის მდგომარეობის შესახებ გამართული დებატების დროს განაცხადა.

„პოლარიზაცია საქართველოს ერთ-ერთი ყველაზე სერიოზული პრობლემაა. ამ დარბაზში არსებული თითოეული ადამიანი მოუწოდებდა მიხეილ სააკაშვილს არ გადაეკვეთა საქართველოს საზღვარი უკანონოდ. თუმცა, მან მაინც გააკეთა ეს არჩევნების წინ. სააკაშვილის საზღვარგარეთ სამკურნალოდ გადაყვანა ასევე დადებითი იქნებოდა საქართველოს პოლიტიკური მდგომარეობის გაუმჯობესებისთვისაც. ეს პოლიტიკური დღის წესრიგის ნორმალიზებას გამოიწვევდა და პოლარიზებას შეამცირებდა”, - განაცხადა ევროპარლამენტარმა.