“ჯეოქეისს” რევაზ ჩხეიძე შეუერთდა

ანალიტიკურ ცენტრს „ჯეოქეისს" საგარეო პოლიტიკის საკითხთა მრჩევლის პოზიციაზე, რევაზ ჩხეიძე შეუერთდა.

„ჯეოქეისის“ ცნობით, რევაზ ჩხეიძეს საჯარო სამსახურში 30 წელზე მეტი, დიპლომატიურ სამსახურში კი 10 წლიანი მუშაობის გამოცდილება აქვს. იგი, ამასთანავე, არის საგარეო საქმეთა სამინისტროს პოლიტიკური დეპარტამენტის დირექტორის მოადგილე. ასევე, 10 წელია ეწევა პედაგოგიურ საქმიანობას, მათ შორის, ისეთ თემატიკაზე, როგორიცაა ევროკავშირის სამართალი, ევროკავშირ-საქართველოს ურთიერთობის საფუძვლები, შესავალი საერთაშორისო ორგანიზაციებში და თანამედროვე პოლიტიკა, საჯარო ადმინისტრირება საქართველოს სხვადასხვა უნივერსიტეტებში, მათ შორის ილიას სახელმწიფო, სულხან საბა ორბელიანის, საქართველოს უნივერსიტეტებსა და საქართველოს საზოგადოებრივ საქმეთა ინსტიტუტში (GIPA).

„რევაზ ჩხეიძის ინტერესის სფეროს ევროკავშირში ინტეგრაცია, ევროპული უსაფრთხოება, საერთაშორისო ურთიერთობები და საერთაშორისო პოლიტიკა წარმოადგენს.

მას გავლილი აქვს ესტონეთის დიპლომატიის აკადემიის, გერმანიაში საერთაშორისო და უსაფრთხოების სწავლების კოლეჯის, ჟენევის საერთაშორისო და განვითარების სწავლების უმაღლესი ინსტიტუტის, საფრანგეთის ადმინისტრაციის ეროვნული სკოლის, დიდი ბრიტანეთის საგარეო და თანამეგობრობის ოფისისა და თავდაცვის სამინისტროს, ტრეინინგებისა და კვლევის გაეროს ინსტიტუტის სხვადასხვა მოკლევადიანი და საშუალო ვადიანი სასწავლო კურსები და ტრეინინგები ევროინტეგრაციის, საერთაშორისო ურთიერთობებისა და საერთაშორისო უსაფრთხოების, დიპლომატიური მოლაპარაკებების პრაქტიკის, აშშ-ს 21 საუკუნის საგარეო პოლიტიკის, დაზვერვის ანალიტიკური საქმიანობის, სტრატეგიული ლიდერობის, მშვიდობის დამყარებისა და პრევენციული დიპლომატიის მიმართულებებით. გავლილი აქვს პრაქტიკა აშშ კონგრესმენის ოფისში. რევაზ ჩხეიძეს დამთავრებული აქვს თბილისის ივანე ჯავახიშვილის სახელმწიფო უნივერსიტეტის იურიდიული ფაკულტეტი. იგი სწავლობდა პარიზის მე-2 უნივერსიტეტში ევროპული გაერთიანების სამართლის სპეციალობით.

გამოქვეყნებული აქვს რამდენიმე სტატია ევროკავშირისა და საერთაშორისო ურთიერთობების თემაზე.„ჯეოქეისის“ გუნდი მოხარულია მისი შემოერთებით და ვუსურვებთ წარმატებას ამ ახალ საქმეში,“ - აღნიშნულია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია