საქართველოს პარლამენტის ეროვნულ ბიბლიოთეკაში მალე დამწერლობის მუზეუმი გაიხსნება. ამის შესახებ ინფორმაციას საქართველოს პარლამენტის ეროვნული ბიბლიოთეკა ავრცელებს.
მათივე ცნობით, ახლახან ეროვნულ ბიბლიოთეკაში, პირველად საქართველოში, პრესის მუზეუმი გაიხსნა, სადაც წარმოდგენილია ქართული პრესის განვითარების ისტორია XIX საუკუნიდან დღემდე.
ამასთან, განმარტავენ, რომ უკვე რამდენიმე წელია, რაც ეროვნულ ბიბლიოთეკაში წარმატებით ფუნქციონირებს წიგნის მუზეუმი როგორც ქართული, ისე უცხოური ძვენლაბეჭდი გამოცემების უნიკალური ექსპოზიციით.
„ამით დაგეგმილი ოთხკუთხედის სამი კუთხე მოიხაზება: წიგნის მუზეუმი, პრესის მუზეუმი, დამწერლობის მუზეუმი. დაგვრჩება მეოთხე, სტამბის მუზეუმი”, - აცხადებს ეროვნული ბიბლიოთეკის დირექტორი გიორგი კეკელიძე.