ლევან ბეჟაშვილი - ლავროვის განცხადება კიდევ ერთხელ ადასტურებს, რომ „ქართული ოცნება“ რუსულ პოლიტიკას აგრძელებს, რათა ქვეყანა რუსეთის უკანა ეზოდ აქციოს
„ნაციონალური მოძრაობის” ერთ-ერთი ლიდერის, ლევან ბეჟაშვილის განცხადებით, რუსეთის საგარეო საქმეთა მინისტრის სერგეი ლავროვის განცხადება კიდევ ერთხელ ადასტურებს, რომ “ქართული ოცნება” რუსულ პოლიტიკას აგრძელებს, რომ ქვეყანა რუსეთის უკანა ეზოდ აქციოს.
ბეჟაშვილის თქმით, ლავროვის განცხადება მიუთითებს, რომ საქართველოს მმართველი პარტია ბოლო წლის განმავლობაში რუსეთის ხელისუფლების ნარატივს იმეორებს.
“ლავროვის განცხადება პირდაპირ მიუთითებს, რომ საქართველოს მთავრობის ციტირება კი არ ხდება, პირიქით - საქართველოს მთავრობა ბოლო ერთი წლის განმავლობაში ციტირებს რუსეთის ფედერაციის პრეზიდენტის, პრემიერ-მინისტრის, საგარეო საქმეთა სამინისტროს ნარატივებს და დღეს ამას ლავროვი იმეორებს. ეს კიდევ ერთხელ ადასტურებს, რომ “ქართული ოცნება” რეალურად დღეს “რუსული ოცნებაა” და რუსული პოლიტიკას აგრძელებს, რომ ქვეყანა აქციოს რუსეთის უკანა ეზოდ - შედეგებს თვალნათლივ ვხედავთ”, - განაცხადა ლევან ბეჟაშვილმა.
ცნობისთვის, რუსეთის საგარეო საქმეთა მინისტრის სერგეი ლავროვის განცხადებით, საქართველოს ხელისუფლება დასავლეთის უპრეცედენტო ზეწოლის საპასუხოდ, რომელიც რუსეთის წინააღმდეგ სანქციების დაწესებას ითხოვს , ეროვნული ინტერესებით ხელმძღვანელობს.
მისივე თქმით, დასავლეთს სურს გადააქციოს საქართველო „გამღიზიანებლად“ რუსეთის ფედერაციისთვის.
