ლევან ბეჟაშვილი - 6%-იანი პარტიის ჩაბარება არის ის ვითარება, რომელიც უახლოეს თვეებში დაუყოვნებლივ უნდა გამოვასწოროთ - მთავრობის რეიტინგის ზრდა განპირობებულია იმ ნარატივით, ვითომ ქვეყანა ომს ააცილეს

დღევანდელი მდგომარეობით 6%-იანი პარტიის ჩაბარება არის ის ვითარება, რომელიც უახლოესი თვეების განმავლობაში დაუყოვნებლივ უნდა გამოვასწოროთ - მთავრობის რეიტინგის ზრდა კი განპირობებულია იმ ნარატივით, რომ ვითომ ქვეყანა ომს ააცილეს,- ამის შესახებ „ნაციონალური მოძრაობის” წევრმა ლევან ბეჟაშვილმა NDI-ის კვლევის შედეგებთან დაკავშირებით ჟურნალისტებს განუცხადა.

მისი თქმით, კვლევა ბოლო 6 თვის განმავლობაში არსებულ ვითარებას ასახავს და კარგია, რომ “ნაციონალურ მოძრაობაში” არჩევნები ჩატარდა.

„NDI-ის ეს გამოკითხვა დეკემბერში ჩატარდა, შესაბამისად, ეს კვლევა ასახავს იმ მდგომარეობას, მათ შორის “ნაციონალურ მოძრაობაში”, რაც ბოლო 6 თვის განმავლობაში არსებობდა. მაგრამ, კარგია, რომ არჩევნები ჩატარდა. „ნაციონალურ მოძრაობაში” ამომრჩევლის მხრიდან ახალი ლეგიტიმაციის გაცემა მოხდა. დღევანდელი მდგომარეობით 6%-იანი პარტიის ჩაბარება არის ის ვითარება, რომელიც უახლოესი თვეების განმავლობაში დაუყოვნებლივ უნდა გამოვასწოროთ”,- განაცხადა ლევან ბეჟაშვილმა.

რაც შეეხება მთავრობის რეიტინგს, ბეჟაშვილი ამბობს, რომ “ქართული ოცნება” რეიტინგს” ომის შიშის დანერგვით ინარჩუნებს.

“NDI-ის კვლევამ ნათლად აჩვენა, რომ დღეს ყოველი მეხუთე ადამიანი შიმშილობს, აქვს ფინანსური და ეკონომიკური პრობლემები, ფიქრობს ემიგრაციაში წასვლას - ეს არის ის სავალალო მდგომარეობა, რომელშიც “ქართულმა ოცნებამ” ქვეყანა ჩააგდო. იმავდროულად მთავრობის რეიტინგის ზრდა განპირობებულია იმ ნარატივით, რომ ვითომ ქვეყანა ომს ააცილეს. ომის შიშის დანერგვით ინარჩუნებს “ქართული ოცნება” რეიტინგს”,- განაცხადა ლევან ბეჟაშვილმა.

ცნობისთვის, წინა კვლევასთან შედარებით, ახლა კიდევ უფრო მეტი ადამიანი მიიჩნევს, რომ საქართველოში არცერთი პარტია არ გამოხატავს ხალხის ინტერესებს. ამის შესახებ NDI-ის კვლევაშია ნათქვამი. კითხვაზე, თქვენი აზრით, არსებობს თუ არა საქართველოში ერთი პარტია მაინც, რომელიც თქვენს ინტერესებს გამოხატავს, 61 პროცენტი ამბობს, რომ არა, 31 პროცენტი - დიახ, 6 პროცენტი - არ ვიცი, ხოლო უარი პასუხზე 3 პროცენტმა დააფიქსირა. ასევე, ანგარიშის მიხედვით, „ქართული ოცნების“ მხარდამჭერთა მესამედი და ოპოზიციური პარტიების მხარდამჭერთა თითქმის ნახევარი ამბობს, რომ არცერთი პარტია არ გამოხატავს მათ ინტერესებს. NDI-ის კვლევის მიხედვით, გამოკითხულთა უმეტესობა კვლავ პოლიტიკურად გადაუწყვეტელია. 39% ფიქრობს, რომ მის შეხედულებებთან ახლოს არცერთი პარტია არ დგას. 25% მიიჩნევს, რომ მის შეხედულებებთან ახლოს „ქართული ოცნება“ დგას, 6%-სთვის ეს პარტია „ნაციონალური მოძრაობაა“. კითხვაზე, „რომელი პარტია დგას თქვენს შეხედულებებთან ყველაზე ახლოს?“ 56%-ია იმ მოქალაქეების ჯამი, რომელთათვისაც ეს არცერთი პარტია არაა, ან არ იციან და პასუხზე უარი განაცხადეს. აღნიშნული ანგარიში 3 დეკემბრიდან - 20 დეკემბრამდე ქვეყნის მასშტაბით ჩატარებულ, საქართველოს ზრდასრული მოსახლეობის წარმომადგენლობით პირისპირ გამოკითხვის შედეგებს ემყარება (ოკუპირებული ტერიტორიების გამოკლებით). დეკემბერში ჩატარებული გამოკითხვა სულ 2,519 დასრულებულ ინტერვიუს მოიცავს. საშუალო ცდომილების ზღვარი კვლევაში +/- 1,6 პროცენტია. NDI-ის კვლევა დიდი ბრიტანეთის მთავრობის UK aid-ის ფინანსური ხელშეწყობით ხორციელდება. კვლევა ჩატარებულია CRRC საქართველოს მიერ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო