მსოფლიოს სხვადასხვა ქვეყანაში მცხოვრები იეზიდები დღეს, ზამთრის ორმოცდღიანი მარხვის დასრულებას, ჩლე ზევესტანეს ზეიმობენ. აღნიშნულთან დაკავშირებით ინფორმაციას რელიგიის საკითხთა სახელმწიფო სააგენტო ავრცელებს.

მათი ცნობით, მარხვას იეზიდები ლოცვაში ატარებენ, „რათა ღმერთი ადამიანებს ზამთრის ყველაზე მკაცრი დღეების გადატანაში დაეხმაროს და ისინი კეთილდღეობითა და მშვიდობით დაჯილდოვდნენ“.

რელიგიის საკითხთა სახელმწიფო სააგენტო ულოცავს საქართველოს იეზიდ თემს დღესასწაულს და წარმატებებსა და კეთილდღეობას უსურვებს მათ.