ევროკავშირი უკრაინაში დეოკუპირებული ტერიტორიების ჰუმანიტარული განაღმვის პროგრამას იწყებს. პროგრამის ღირებულება 25 მილიონ ევროს შეადგენს, - ამის შესახებ ქვეყნის პრემიერ-მინისტრმა დენის შმიგალმა „ტელეგრამში“ევროკავშირის უმაღლეს წარმომადგენელთან საგარეო საქმეთა და უსაფრთხოების საკითხებში, ჯოზეფ ბორელთან შეხვედრის შემდეგ განაცხადა, რომელიც კიევში უკრაინა-ევროკავშირის სამიტამდე შედგა.

„არის მოლაპარაკება იმასთან დაკავშირებით, რომ ევროკავშირი ჩაუშვებს 25 მილიონი ევროს ღირებულების ჰუმანიტარული განაღმვის პროგრამას. ეს ჩვენი აღდგენის მნიშვნელოვანი კომპონენტია, რომელიც შესაძლებელს გახდის ნორმალური ცხოვრების დაბრუნებას რუსი ტერორისტებისგან დეოკუპირებულ ტერიტორიებზე“, - განაცხადა შმიგალმა.

მან მადლობა გადაუხადა ბორელს უკრაინის თანმიმდევრული დახმარებისთვის, ევროპის მშვიდობის ფონდის ბიუჯეტის 2 მილიარდი ევროთი გაზრდისა და ასევე უკრაინელი სამხედროების სასწავლო მისიისთვის.

მთავრობის მეთაურმა ასევე აღნიშნა, რომ უკრაინას მსგავსი სასწავლო მისიის გაფართოების იმედი აქვს. მან ასევე აღნიშნა რამდენად მნიშვნელოვანია ზეწოლის გაგრძელება რუსეთის ეკონომიკაზე და ევროპული სანქციების მეათე პაკეტის შემოღება.