კათოლიკური ეკლესია მირქმას ზეიმობს. დღესასწაულთან დაკავშირებით, რელიგიის საკითხთა სახელმწიფო სააგენტო მიმართვას ავრცელებს.
„დღეს, 2 თებერვალს, კათოლიკური სამყარო ერთ-ერთ საუფლო დღესასწაულს, მირქმას - მაცხოვრის მიგებებას აღნიშნავს. მირქმა უძველესი დღესასწაულია და იგი საზეიმოდ აღინიშნება.
რელიგიის საკითხთა სახელმწიფო სააგენტო ულოცავს ლათინ კათოლიკეთა კავკასიის სამოციქულო ადმინისტრაციას, ყველა კათოლიკეს მირქმის დღესასწაულს, წინსვლასა და კეთილდღეობას უსურვებს მათ“, - აღნიშნულია სააგენტოს მიერ გავრცელებულ ინფორმაციაში.