ოთარ შამუგია ჩინეთის ელჩს შეხვდა

გარემოს დაცვისა და სოფლის მეურნეობის მინისტრი ოთარ შამუგია ჩინეთის სახალხო რესპუბლიკის ელჩს, ჭოუ ციენს შეხვდა. გარემოს დაცვისა და სოფლის მეურნეობის სამინისტროს ცნობით, შეხვედრაზე მხარეებმა ორ ქვეყანას შორის მჭიდრო თანამშრომლობის მნიშვნელობაზე ისაუბრეს.

მინისტრმა ოთარ შამუგიამ საქართველოსა და ჩინეთის სახალხო რესპუბლიკას შორის თავისუფალი ვაჭრობის შესახებ შეთანხმების ფარგლებში არსებულ შესაძლებლობებზე გაამახვილა ყურადღება.

„აღსანიშნავია, რომ თავისუფალი ვაჭრობის შესახებ შეთანხმება მნიშვნელოვანი შესაძლებლობაა საქართველოსთვის, კიდევ უფრო გააღრმაოს სავაჭრო ურთიერთობა ჩინეთთან. სურსათის ეროვნული სააგენტოს ჩართულობით, აქტიურად ვმუშაობთ სხვადასხვა პროდუქციის საექსპორტო პოტენციალის ათვისებაზე და ამ პროცესში ვგრძნობთ ჩინეთის სახალხო რესპუბლიკის მთავრობის მხარდაჭერას, რისთვისაც დიდ მადლობას გიხდით. ჩინეთის ბაზარი ქართული ღვინის ექსპორტისათვის ერთ-ერთი ყველაზე პერსპექტიულია. მიუხედავად იმისა, რომ პანდემიის დროს ღვინის ექსპორტის მაჩვენებლები შემცირდა, რესურსი დიდია და იმედი გვაქვს, ამ პოტენციალის მაქსიმალურად ათვისებას შევძლებთ“, - განაცხადა ოთარ შამუგიამ.

უწყების ცნობით, მინისტრმა შეხვედრაზე ქართული ღვინის ხარისხზეც ისაუბრა და აღნიშნა, რომ ამ პროცესში არაერთი საერთაშორისო ორგანიზაციაა ჩართული. საერთაშორისო გამოფენებში ქართული კომპანიების მონაწილეობის კუთხით, დიდია სახელმწიფოს მხრიდან ხელშეწყობა. ქართული ღვინის პოპულარიზაციის მიზნით, მინისტრმა გამოთქვა მზადყოფნა, პირადად ჩაერთოს და მიმდინარე წელს გუანჯოუსა და შანხაიში დაგეგმილ საერთაშორისო გამოფენების გახსნაში მიიღოს მონაწილეობა

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია