ევროკავშირმა წევრ სახელმწიფოებთან ერთად უკრაინისთვის უკვე 49.5 მილიარდი ევრო შეაგროვეს. ამის შესახებ სამეზობლო პოლიტიკისა და გაფართოების საკითხებში ევროკომისარმა ოლივერ ვარჰეიმ კიევში განაცხადა.
“დღეისთვის, როგორც ევროკავშირმა წევრ სახელმწიფოებთან ერთად, უკრაინის მხარდასაჭერად 49.5 მილიარდი ევროს მობილიზება მოვახდინეთ”, - აღნიშნა ვარჰეიმ კიევში გამართულ უკრაინის მთავრობისა და ევროკომისიის ერთობლივ სხდომაზე.
მან აღნიშნა, რომ ევროკავშირი მზად არის, ცვლილებები შეიტანოს ომამდელ ეკონომიკურ გეგმაში და მზად არის, შეუერთდეს უკრაინის აღდგენას, კერძოდ კი, სწრაფი აღდგენის გეგმას.
ვარჰეის თქმით, ამაში მნიშვნელოვან როლს საფინანსო საკოორდინაციო პლატფორმის განვითარება ითამაშებს, ე.წ. “საფინანსო რამშტაინი”.