დავით მათიკაშვილი - ევროპარლამენტში გაკეთებული განცხადებები ადასტურებს, რომ სააკაშვილის გათავისუფლების ოპერაცია კოორდინირებულია "ნაციონალური მოძრაობისა" და მისი მეგობრების მიერ

ევროპარლამენტში გაკეთებული განცხადებები ადასტურებს, რომ სააკაშვილის გათავისუფლების ოპერაცია კოორდინირებულია "ნაციონალური მოძრაობისა" და მისი მეგობრების, პარტნიორების მიერ , - ამის შესახებ ჟურნალისტებთან საპარლამენტო უმრავლესობის წევრმა დავით მათიკაშვილმა განაცხადა, რითაც მიხეილ სააკაშვილის საკითხთან დაკავშირებით ევროპარლამენტში გამართულ დებატებს გამოეხმაურა.

მათიკაშვილის თქმით, ისინი ცდილობენ, საზოგადოებას მცდარი ინფორმაცია მიაწოდონ.

"ევროპარლამენტარების გამოსვლას ვუსმენდი და ერთ-ერთმა გამომსვლელმა ახსენა, რომ საქართველოში ჯანდაცვის სისტემა ბევრ კითხვას იწვევს. ევროპარლამენტიდან 3 მილიონ 700 ათასს ადამიანს უთხრეს, რომ საქართველოში ჯანდაცვის სისტემა არ მუშაობს, ამიტომ, ადექით და სხვა ქვეყნებში ეძებეთ ჯანმრთელობის პრობლემებზე პასუხებიო, ეს სწორია, ლოგიკურია, სამართლებრივია ან სამართლიანია?! ეს განცხადებები ადასტურებს იმას, რომ სააკაშვილის გათავისუფლების ოპერაცია კოორდინირებულია "ნაციონალური მოძრაობისა" და მისი მეგობრების, პარტნიორების მიერ იმ დონეზე, რომ პიარული თვალსაზრისით საზოგადოებისთვის მცდარი ინფორმაციის მიწოდება მოხდეს, იმ კონტექსტით, რომ ქვეყანაში რაღაც უკანონობა ხდება, არადა, ყველაფერი პირიქითაა”,- განაცხადა მათიკაშვილმა.

მან ისაუბრა საქართველოსთვის კანდიდატის სტატუსის მინიჭების პერსპექტივაზეც და აღნიშნა, რომ თუ საქართველოს მდგომარეობის შეფასება ობიექტურად მოხდება, ქვეყანა კანდიდატის სტატუსს „აუცილებლად მიიღებს“.

„ყველა ობიექტური კრიტერიუმით, რაც საქართველოსთვის სტატუსის მინიჭებას გულისხმობს, საქართველო ამ სტატუსს ყველა კრიტერიუმით იმსახურებს. ყველა დანარჩენი, პოლიტიკური გადაწყვეტილებაა. პოლიტიკური გადაწყვეტილება იყო მანამდეც და იქნება დღესაც. თუ 12 - პუნქტიანი გეგმის შესრულების ჭრილში საქართველოს მდგომარეობის შეფასება ობიექტურად მოხდება, საქართველო კანდიდატის სტატუსს აუცილებლად მიიღებს. თუ კიდევ ერთხელ პოლიტიკური გადაწყვეტილება იქნება მიღებული და ამაში რომელიმე პოლიტიკური ჯგუფის ვიწრო ინტერესები იქნება ჩადებული, ასეთ შემთხვევაში პასუხი ცალსახაა, დაველოდოთ რა გადაწყვეტილება იქნება,"- განაცხადა მათიკაშვილმა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო