ოლექსი რეზნიკოვი პარტნიორებს - უკრაინა  მზად არის ნებისმიერი გარანტიების მისაცემად, რომ თქვენი იარაღი რუსეთის ტერიტორიაზე დარტყმებისთვის არ იქნება გამოყენებული

უკრაინა გარანტიას აძლევს პარტნიორებს, რომ მათი იარაღი რუსეთის ტერიტორიაზე დარტყმებისთვის არ იქნება გამოყენებული. ამის შესახებ უკრაინის თავდაცვის მინისტრმა ოლექსი რეზნიკოვმა უკრაინის მთავრობისა და ევროკომისიის ერთიან სხდომაზე განაცხადა.

“ბრძოლის ველზე უკრაინის წარმატება - ეს თქვენი წარმატებაც არის. ჩვენ ველით, რომ ეს წელი ახალ შესაძლებლობებს მოგვიტანს… რომ გავიმარჯვოთ, სტრატეგიული ინიციატივა უნდა მოვიპოვოთ”, - თქვა რეზნიკოვმა.

მან პარტნიორებს ანტისარაკეტო თავდაცვის აღმართვაში რაც შეიძლება სწრაფად დახმარებისკენ მოუწოდა. ამ კონტექსტში რეზნიკოვმა აქცენტი გააკეთა უკრაინის სურვილზე მოიპოვოს Patriot და SAMP/T სისტემები ახალი IRIS-T და NASAMS სისტემებთან ერთად.

“300 კმ მანძილიდან დარტყმის საშუალება რომ გვქონდეს, რუსული არმია ვერ შეძლებდა დაცვის უზრუნველყოფას და იძულებული იქნებოდა წაეგო. უკრაინა მზად არის ნებისმიერი გარანტიების მისაცემად, რომ თქვენი იარაღი რუსეთის ტერიტორიაზე დარტყმებისთვის არ იქნება გამოყენებული. ჩვენ საკმარისი სამიზნეები გვაქვს უკრაინის დროებით ოკუპირებულ ტერიტორიაზე და მზად ვართ პარტნიორებთან ჩვენი სამიზნეების კოორდინაცია მოვახდინოთ”, - თქვა რეზნიკოვმა.

რეზნიკოვმა მადლობა გადაუხადა პარტნიორებს რამშტაინის ბოლო შეხვედრაზე უკრაინისთვის ტანკებისა და ჯავშანმანქანების გადაცემის გადაწყვეტილებისთვის.

მისი თქმით, ამის მეშვეობით შესაძლებელი იქნება დაჯავშნილი მუშტის შესაქმნელად, რომელიც რუსების დაცვას გაარღვევს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია