სემეკთან არსებულ ენერგეტიკის სასწავლო ცენტრსა და GREDA-ს შორის მემორანდუმი გაფორმდა

სემეკთან არსებულ ელიზბარ ერისთავის სახელობის ენერგეტიკის სასწავლო ცენტრსა და საქართველოს განახლებადი ენერგიების ასოციაციას (GREDA) შორის ურთიერთთანამშრომლობის მემორანდუმი გაფორმდა. ამის შესახებ ინფორმაციას საქართველოს ენერგეტიკისა და წყალმომარაგების მარეგულირებელი ეროვნული კომისია ავრცელებს.

მათივე ცნობით, მემორანდუმს ხელი მოაწერეს ენერგეტიკის სასწავლო ცენტრის დირექტორმა, ნუგზარ ბერიძემ და საქართველოს განახლებადი ენერგიების ასოციაციის აღმასრულებელმა დირექტორმა, გიორგი აბრამიშვილმა.

„თანამშრომლობის მემორანდუმი ითვალისწინებს განახლებად ენერგიასთან დაკავშირებული კვლევითი და სხვა სახის პროექტების განხორციელებას, განახლებადი ენერგიის გამოყენებაზე საზოგადოების ცნობიერების ამაღლებას. მემორანდუმის ფარგლებში მხარეები ერთობლივ ორგანიზებას გაუწევენ საგანმანათლებლო-სასწავლო კურსებსა და პროექტებს, ერთობლივ ღონისძიებებს, კონფერენციებსა და სხვადასხვა აქტივობებს“,- აღნიშნულია ინფორმაციაში.

როგორც ნუგზარ ბერიძე აღნიშნავს, ენერგეტიკის სასწავლო ცენტრსა და GREDA-ს შორის თანამშრომლობა მოიცავს სხვადასხვა მნიშვნელოვან ასპექტებს, პირველ რიგში, განახლებადი ენერგიის წყაროების ქსელში ინტეგრაციის ხელშემწყობი რეგულაციების შემუშავებას, რაზედაც მუშაობა სემეკში დაწყებულია.

„რა თქმა უნდა, ცენტრი გეგმავს ამ კუთხით თავისი წვლილის შეტანას. უმნიშვნელოვანეს კომპონენტად გვესახება საზოგადოებრივი ცნობიერების ამაღლებისათვის ერთობლივი ღონისძიებების შემუშავება და განხორციელება, აგრეთვე ენერგეტიკული კომპანიების პერსონალის კვალიფიკაციის ამაღლება ბაზრის მიმდინარე რეფორმების კუთხით,“ -განაცხადა ნუგზარ ბერიძემ.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის