ირაკლი კობახიძე - შარშან 10%-იანი ზრდის ნაცვლად 10%-იანი ვარდნა რომ გვქონოდა, ეს საზოგადოებაში სერიოზულ უკმაყოფილებას გამოიწვევდა და შეიძლება საქართველოში ვითარების არევის ერთ-ერთი საბაბი გამხდარიყო

შარშან გვქონდა 10%-იანი ზრდა, წარმოიდგინეთ, რომ გვქონოდა 10%-იანი ვარდნა, ეს საზოგადოებაში სერიოზულ უკმაყოფილებას გამოიწვევდა და შეიძლება საქართველოში ვითარების არევის ერთ-ერთი საბაბი გამხდარიყო - ასე გამოეხმაურა „ქართული ოცნების“ თავმჯდომარე ირაკლი კობახიძე ექსპერტების მიერ ჩატარებულ კვლევას იმის შესახებ, თუ რა შედეგი მოჰყვებოდა რუსეთის წინააღმდეგ სანქციებთან მიერთებას.

როგორც ირაკლი კობახიძემ აღნიშნა, როდესაც ოპოზიცია რუსეთის წინააღმდეგ სანქციებთან მიერთებას ითხოვდა, მათი გათვლა იყო, მომხდარიყო ესკალაცია და დამძიმებულიყო საქართველოს მოქალაქეების მდგომარეობა, რომ გაადვილებულიყო ქვეყანაში ვითარების არევა.

„მსგავსი ანალიზი ჩვენც გვაქვს გაკეთებული, გაანალიზებული და შეფასებული, თუ, რას გამოიწვევდა სანქციებთან შესაძლო მიერთება. საკმაოდ რეალურია ის ციფრები, რომლებიც არის ნახსენები. შეიძლება ეს ძალიან ბევრს უნდოდა. შარშან ჩვენ გვქონდა 10%-იანი ზრდა, ამის მაგივრად, წარმოიდგინეთ, რომ გვქონოდა 10%-იანი ვარდნა, ეს საზოგადოებაშიც სერიოზულ უკმაყოფილებას გამოიწვევდა და ესეც შეიძლება გამხდარიყო საქართველოში ვითარების არევის ერთ-ერთი საბაბი. შეიძლებოდა ამ სანქციების დაწესებას ვიღაცისთვის ორმაგი ეფექტი ჰქონოდა. თქვენ გახსოვთ, თავდაპირველად ოპოზიცია ორკესტრირებულად ითხოვდა სანქციების დაწესებას და მერე თვითონვე გაემიჯნენ ამ მოთხოვნას, როდესაც დაინახეს, რომ საზოგადოების განწყობას მთლიანად იყვნენ აცდენილი. მათ ჰქონდათ ორ რამეზე გათვლა, ერთი ის რომ ესკალაცია უნდა მომხდარიყო და მეორე, უნდა დამძიმებულიყო საქართველოს მოქალაქეების მდგომარეობა იმისათვის, რომ გაადვილებულიყო ვითარების არევა ჩვენს ქვეყანაში. რა თქმა უნდა ამის საშუალებას ჩვენ მათ ვერ მივცემდით და აქედან გამომდინარე ალტერნატივა არ ჰქონდა ჩვენს გადაწყვეტილებას იმის თაობაზე, რომ არ დაგვეწესებინა სანქციები“, - განაცხადა ირაკლი კობახიძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია