2024 წლის ოლიმპიადაში რუსი და ბელარუსი სპორტსმენები მონაწილეობას შესაძლოა, 40-ზე მეტმა ქვეყანამ მხარი  არ დაუჭიროს

40-ზე მეტმა ქვეყანამ 2024 წლის ოლიმპიადაში რუსი და ბელარუსი სპორტსმენების მონაწილეობას მხარი შესაძლოა, არ დაუჭიროს. ამის შესახებ პოლონეთის სპორტისა და ტურიზმის მინისტრმა კამილ ბორტნიჩუკმა განაცხადა.

“დარწმუნებული ვარ, რომ შეხვედრა, რომელიც 10 თებერვლისთვის არის დაგეგმილი, იმ დასკვნამდე მივა, რომ 30 ან, შესაძლებელია, 40 სპორტის მინისტრი, მათ შორის აშშ-დან, დიდი ბრიტანეთიდან, კანადიდან, ავსტრალიიდან და იაპონიიდან, კატეგორიულად უარყოფენ თამაშებში რუსეთიდან ან ბელარუსიიდან სპორტსმენების მონაწილეობის იდეას”, - აღნიშნა ბორტნიჩუკმა.

მისი თქმით, ოლიმპიური თამაშების მასობრივი ბოიკოტიც არ არის გამორიცხული.

“არა მგონია, რომ ოლიმპიადამდე ხისტი გადაწყვეტილებების მიღება მოგვიწევს და, თუ თამაშების ბოიკოტს გამოვაცხადებთ, კოალიცია, რომლის ნაწილიც ვიქნებით, საკმარისად ფართო იქნება, რომ თამაშების ჩატარება უაზრო გახდეს”, - დასძინა ბორტნიჩუკმა.

ცნობისთვის, გუშინ ლატვიის, ლიეტუვის, ესტონეთისა და პოლონეთის სპორტის მინისტრებმა განაცხადეს, რომ საერთაშორისო ოლიმპიური კომიტეტის მცდელობები შეჯიბრებში მონაწილეობისთვის დააბრუნოს რუსი და ბელარუსი სპორტსმენები, თუნდაც ნეიტრალური დროშის ქვეშ, უარყოფილი უნდა იყოს.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო