პრემიერ-მინისტრი ირაკლი ღარიბაშვილი უნგრეთის პრემიერ-მინისტრის პოლიტიკური დეპარტამენტის დირექტორს შეხვდა

საქართველოს პრემიერ-მინისტრი ირაკლი ღარიბაშვილი უნგრეთის პრემიერ-მინისტრის პოლიტიკური დეპარტამენტის დირექტორს ბოლაჟშ ორბანს შეხვდა.

მთავრობის ადმინისტრაციაში გამართულ შეხვედრაზე ორ ქვეყანას შორის თანამშრომლობის ძირითადი მიმართულებები მიმოიხილეს.

ხაზი გაესვა უნგრეთსა და საქართველოს შორის არსებულ განსაკუთრებულ მეგობრულ ურთიერთობებს.

ირაკლი ღარიბაშვილმა და ბოლაჟშ ორბანმა საქართველოსა და უნგრეთის ეკონომიკური და ენერგეტიკული თანამშრომლობის გაღრმავების პერსპექტივებზე იმსჯელეს. ამ მიმართულებით თანამშრომლობის გაღრმავების მიზნით, დაიგეგმა ორი ქვეყნის შესაბამისი სამინისტროების შეხვედრა.

საუბარი შეეხო ევროინტეგრაციის გზაზე საქართველოს მიერ მიღწეულ მნიშვნელოვან პროგრესს. როგორც მთავრობის მეთაურმა აღნიშნა, ევროკავშირის კანონმდებლობასთან საქართველოს ეროვნული საკანონმდებლო ბაზის თავსებადობის შესახებ ევროკომისიის მიერ გამოქვეყნებულმა ანგარიშმა დაადასტურა, რომ საქართველო ევროკავშირის კანდიდატი ქვეყნის სტატუსს იმსახურებს. ბოლაჟშ ორბანმა პრემიერ-მინისტრს საქართველოს ევროინტეგრაციის მიმართ უნგრეთის ურყევი მხარდაჭერა დაუდასტურა.

მთავრობის ადმინისტრაციაში გამართულ შეხვედრას უნგრეთის პრემიერ-მინისტრის პოლიტიკური დეპარტამენტის დირექტორის კაბინეტის უფროსი დორა სივიჩი, უნგრეთის სახელმწიფო მდივნის მოადგილე მარტონ უგროჟდი და საქართველოს მთავრობის ადმინისტრაციის უფროსი რევაზ ჯაველიძე ესწრებოდნენ.

ინფორმაციას პრემიერ-მინისტრის პრესსამსახური ავრცელებს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია