პაატა მანჯგალაძე - „სტრატეგია აღმაშენებელს“ ფიქრი არ შეუწყვეტია და ვაგრძელებთ მუშაობას, რომ ძალიან ბევრი მოკავშირე გვყავდეს - გავაგრძელებთ პარტნიორების დარწმუნებას, რომ „ძალა ერთობაშია“

„სტრატეგია აღმაშენებელს“ ფიქრი არ შეგვიწყვეტია, ჩვენ მაინც ვაგრძელებთ მუშაობას , - ამის შესახებ „სტრატეგია აღმაშენებლის“ ერთ-ერთმა ლიდერმა, პაატა მანჯგალაძემ „პალიტრანიუსის“ გადაცემა „360 გრადუსში“ განაცხადა, რითაც „გირჩი-მეტი თავისუფლებას“ ლიდერის, ზურაბ ჯაფარიძის განცხადებას გამოეხმაურა, რომელმაც თქვა: „პირობები, რომ დიდი ერთობა შეიკრას, ჯერჯერობით არ ჩანს, გადაწყვეტილება მივიღეთ, საკითხს დავუბრუნდეთ მომავალ წელს“.

პაატა მანჯგალაძის განცხადებით, „დროასთან“ და „გირჩი-მეტი თავისუფლებასთან“ დისტანცირებას არ აქვს ადგილი და მათთან „სტრატეგია აღმაშენებელი“ კვლავ თანამშრომლობს.

„ზურამ თავის პოზიცია დააფიქსირა. ჩვენ შეიძლება ვთქვათ, რომ ჩვენ, „სტრატეგია აღმაშენებელს“ ფიქრი არ შეგვიწყვეტია. ჩვენ მაინც ვაგრძელებთ მუშაობას, რომ ძალიან ბევრი მოკავშირე გვყავდეს იმ პროცესში, რასაც ჰქვია ევროკავშირში ინტეგრაცია და „ქართული ოცნების“ ხელისუფლებიდან გაშვება. ჩვენ ამ პროცესზე უარი არ გვითქვამს და გავაგრძელებ პარტნიორების დარწმუნებას, რომ ძალა ერთობაშია. არ იფიქროთ, რომ რამე დისტანცირებაა ზურასთან ან ელენესთან. ახლა მოვდივარ ზუსტად, ორი საათის უკან დავშორდით ერთმანეთს.

ჩვენ სამეული შეთანხმებული ვართ სტრატეგიაზე, მაგრამ სხვა ცენტრებთან, სხვა პოლიტიკურ სუბიექტებთან ასეთ პრიორიტეტებზე შეთანხმება არ გვაქვს. რა უნდა იყოს ის იდეა, რის გარშემოც შეგვიძლია ერთად მოძრაობა, ამაზე შეთანხმება მიღწეული არ არის“, - განაცხადა პაატა მანჯგალაძემ.

ამასთან, პაატა მაჯგალაძის თქმით, 24 თებერვლის აქციისგან „სტრატეგია აღმაშენებელი“ არანაირ პოლიტიკური ბენეფიტების მიღებას არ ელოდება.

მისივე განცხადებით, აქციის შემდეგ გამოცხადდება სამოქმედო გეგმა, როგორ უნდა ჩამოშორდეს „ქართული ოცნება“ ხელისუფლებას.

„ამ აქციით ჩვენ არც ხელისუფლების ცვლილებას ვაპირებთ და არც ხელისუფლების ცვლილების დაწყების გამოცხადებას. ეს აქცია არის სოლიდარობის, ევროპული კურსის მხარდაჭერის, გმირების დაფასების აქცია და ასე დარჩება. ამაში ჩვენს არანაირ ინტერესს არ ჩავდებთ. ეს არის ერთი წლის თავი რუსეთის უკრაინაში შეჭრის. აი, ამის შემდეგ ნამდვილად გამოვაცხადებთ სამოქმედო გეგმებს, როგორ უნდა ჩამოვაშოროთ „ქართული ოცნება“ ხელისუფლებას“, - განაცხადა პაატა მანჯგალაძემ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო