ზურაბ ჩიკვილაძე - კიბოს ადრეული დიაგნოსტიკა საუკეთესო პრევენცია და ჯანმრთელი ცხოვრების წინაპირობაა

თბილისის საკრებულოს ჯანმრთელობის დაცვის და სოციალურ საკითხთა კომისიის თავმჯდომარის ზურაბ ჩიკვილაძის განცხადებით, კიბოს ადრეული დიაგნოსტიკა საუკეთესო პრევენცია და ჯანმრთელი ცხოვრების წინაპირობაა.

ამის შესახებ ჩიკვილაძემ კიბოსთან ბრძოლის მსოფლიო დღესთან დაკავშირებით განაცხადა და აღნიშნა, რომ ჯანდაცვის მსოფლიო ორგანიზაციის მონაცემებით, სიმსივნე დედამიწის მოსახლეობის სიკვდილიანობის გამომწვევ მიზეზებში ერთ-ერთ პირველ ადგილს იკავებს.

მისივე თქმით, კიბოს გლობალური ეპიდემია მზარდია და არაგადამდებ დაავადებებს შორის დღეისთვის ერთ-ერთი გავრცელებული დიაგნოზია.

„მსოფლიო პრაქტიკის თანახმად, კიბოს წინააღმდეგ ბრძოლაში საზოგადოების ინფორმირებულობის ზრდა და ცნობიერების ამაღლება უმნიშვნელოვანეს ადგილს იკავებს. ეს კი, თავის მხრივ, დაავადების სტიგმატიზაციისა და მასთან დაკავშირებული სხვა სტერეოტიპების დაძლევას უწყობს ხელს. ადრეული დიაგნოსტიკა საუკეთესო პრევენცია და ჯანმრთელი ცხოვრების წინაპირობაა.

თბილისის მერიამ 2022 წელს დაავადებათა სკრინინგის პროგრამის ფარგლებში 130 857 შემთხვევა დააფინანსა, მათ შორის 115 491 გამოკვლევა ეროვნულ სკრინინგ ცენტრში ჩატარდა. 2023 წელს თბილისის მუნიციპალიტეტის ჯანდაცვის პროგრამები მზარდი ბიუჯეტით გრძელდება, რაც 27 მილიონზე მეტ ლარს შეადგენს. ყველას მოგიწოდებთ, ჩაერთოთ ეროვნულ სკრინინგ პროგრამაში და ჯანმრთელობას გისურვებთ“, - განაცხადა ზურაბ ჩიკვილაძემ, რომლის განცხადებასაც თბილისის საკრებულო ავრცელებს.

4 თებერვალს - კიბოსთან ბრძოლის მსოფლიო დღეს - თბილისის ანძა ლურჯ და ნარინჯის ფერებში განათდება.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის