საგარეჯოში თავდასხმისას დაშავებული ახალგაზრდა მამაკაცი თბილისის „ჯეო ჰოსპიტალსში“ მკურნალობს, მისი მდგომარეობა სტაბილურად მძიმე რჩება

საგარეჯოში შეიარაღებული თავდასხმის შედეგად დაჭრილი ერთ-ერთი მამაკაცის ჯანმრთელობის მდგომარეობა სტაბილურად მძიმეა და გეგმურ მკურნალობას თბილისის მრავალპროფილური სამედიცინო ცენტრ „ჯეო ჰოსპიტალსში“ აგრძელებს.

როგორც „ინტერპრესნიუსს“ კლინიკაში განუცხადეს, ვინაიდან მამაკაცის მდგომარეობა ტრანსპორტირების საშუალებას იძლეოდა, ის საგარეჯოს „ჯეო ჰოსპიტალსის“ მრავალპროფილური სამედიცინო ცენტრიდან თბილისში ერთი კვირის წინ მოათავსეს.

„24 წლის მამაკაცს სხეულზე მრავლობითი დაზიანებები აღენიშნებოდა, მათ შორის ღრმა დაზიანება ჰქონდა მუცლის არეში, დაზიანებული ჰქონდა ბარძაყის მთავარი არტერია და ვენა. ამ ეტაპზე პაციენტი კლინიკაში გეგმურ მკურნალობას გადის და მდგომარეობა სტაბილურად მძიმე რჩება“, - განუცხადეს „ინტერპრესნიუსს“ თბილისის „ჯეო ჰოსპიტალსის“ მრავალპროფილურ სამედიცინო ცენტრში.

შეგახსენებთ, რომ საგარეჯოში 20 იანვარს მომხდარი თავდასხმის შედეგად გარდაიცვალა 5 და დაიჭრა კორპუსის ეზოში მყოფი 5 ადამიანი. გარდაცვლილთაგან ერთი პოლიციელი, 4 კი იმ კორპუსის მცხოვრებია, სადაც ყოფილმა სამხედრომ ცეცხლი გახსნა.

გამოძიების ინფორმაციით, საცხოვრებელი კორპუსის ერთ-ერთი ბინის აივნიდან რამდენიმე გასროლა 1974 წელს დაბადებულმა ნ.ა. განახორციელა. უწყების ცნობით, აღნიშნულმა პირმა, მოგვიანებით, სპეცდანიშნულების რაზმის გამოჩენისთანავე, სავარაუდოდ, თვითლიკვიდაცია განახორციელა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო