„სტრატეგია აღმაშენებელმა“ პროექტი „ქალები ევროპული მომავლისთვის“ დაიწყო

პარტია „სტრატეგია აღმაშენებელმა“ ფრიდრიხ ნაუმანის ფონდის მხარდაჭერით ახალი პროექტი „ქალები პოლიტიკაში - ევროპული მომავლისთვის“ დაიწყო.

„სტრატეგია აღმაშენებლის“ ცნობით, პროექტს კოორდინირებას პარტიის პოლიტიკური საბჭოს წევრები ნანა ტოხვაძე და თეონა ჭალიძე გაუწევენ.

„პროექტის ფარგლებში შეხვედრები გვექნება რეგიონებში. ტრენინგებს კი ჩავატარებთ რუსთავში, გორში, მარნეულში, თელავსა და სიღნაღში. მონაწილეობის შესაძლებლობა აქვს ნებისმიერ ქალს. თბილისში გვექნება შემკრები კონფერენცია, სადაც რამდენიმე ასეული ქალი მოიყრის თავს. NDI-ის ბოლო კვლევით მოქალაქეები უფრო მეტად უჭერენ მხარს საპარლამენტო ცხოვრებაში ქალების და კაცების თანაბარ მონაწილეობას. ზოგადად კი ეს თანასწორობა სამართლიანობის ნაწილიცაა. პოლიტიკაში ქალების მეტად ჩართულობა საზოგადოებაზეც დადებითად აისახება. ამიტომ ვეცდებით წვლილი შევიტანოთ ამ პროცესში“, - აცხადებს თეონა ჭალიძე.

როგორც ნანა ტოხვაძემ აღნიშნა, პროექტი „ქალები ევროპული მომავლისთვის“, აღმოსავლეთ საქართველოში მცხოვრებ აქტიურ ქალებს უკეთესი საზოგადოების მშენებლობისთვის გააერთიანებს.

„სოლიდარობა და გამოცდილების გაზიარება მნიშვნელოვანია იმისთვის, რომ ქალები გაძლიერდნენ ქართულ პოლიტიკაში, მოქმედ პარტიებში და აქტიურად ჩაერთონ საზოგადო სიკეთის შექმნაში. დღეს ქვეყნისთვის გადამწყვეტ ეტაპზე ქალთა თანამონაწილეობის სტატისტიკა არც თუ ისე სახარბიელოდ გამოიყურება. თუმცა ისტორიულად ამ ქვეყნის მთავარი მამოძრავებელი ძალა ქალები იყვნენ. დღესაც ინოვაციის, გამბედაობის, მეტი პირადი ინიციატივის გენერატორები ქალები არიან. ჩვენი ქვეყნის ევროპული მომავლის შექმნაშიც ქალების როლი გადამწყვეტია და სწორედ ამ მიზანს ემსახურება პროექტი „ქალები ევროპული მომავლისთვის“, რომელიც გააერთიანებს აღმოსავლეთ საქართველოში მცხოვრებ აქტიურ ქალებს უკეთესი საზოგადოების მშენებლობისთვის“, - აცხადებს ნანა ტოხვაძე.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო