ბექა ოდიშარია - სააკაშვილის სიცოცხლეს და ჯანმრთელობას მარტო პენიტენციური სისტემა და ხელისუფლება გულშემატკივრობს - ყველაზე კარგად ჩვენ გვესმის, რა თავის ტკივილი შეიძლება მოჰყვეს მისი ჯანმრთელობის დაზიანებას

მიხეილ სააკაშვილის სიცოცხლეს და ჯანმრთელობას, მგონი, მართლა მარტო პენიტენციური სისტემა და საქართველოს ხელისუფლება გულშემატკივრობს იმიტომ, რომ ყველაზე კარგად ჩვენ გვესმის ეს პასუხისმგებლობა, ყველაზე კარგად ჩვენ გვესმის, რა თავის ტკივილი შეიძლება მოჰყვეს მართლაც ამ ადამიანის ჯანმრთელობის დაზიანებას, - ამის შესახებ „ქართული ოცნების“ წევრმა ბექა ოდიშარიამ ჟურნალისტებს განუცხადა.

კითხვაზე თუ რა ბედი ეწევა ქვეყანას, მაშინ თუ სააკაშვილს რამე შეემთხვვევა, ოდიშარია პასუხობს, რომ უსამართლო ამბავია, როდესაც ერთი ადამიანის, ვინც არ უნდა იყოს ის, გარკვეულ პროცესზე გადიოდეს ქვეყნის და მთელი ქართველი ხალხის ბედ-იღბალი.

ოდიშარიას მოსაზრებით, ასეთი მიდგომა არც ევროპის და არც დასავლეთის მხრიდან სამართლიანი არ არის.

„ჩვენთვის გაუგებარია, როდესაც გთხოვენ, შენ ჩამოანგრიო სამართლიანი სახელმწიფო და მხოლოდ ამის შემდეგ მიგიღებენ ევროპულ ოჯახში. ეს რა მიდგომაა? თუ მოგიწოდებენ, რომ შენ სამართლის საწინააღმდეგოდ იარო და ერთი პატიმრის მხოლოდ იმ გამოგონილი მიზეზებით გაათავისუფლო ის, მაშინ რა ვუყოთ 8 000 პატიმარს, რომელთაგან 7 000 ალბათ, გაცილებით უფრო ნაკლები მძიმე დანაშაულისთვის იხდის მსჯავრს. იმათმაც რომ გამოაცხადონ შიმშილობა და თავი სიგამხდრემდე მიიყვანონ მაშინ, რა უნდა გააკეთოს ქართულმა სახელმწიფომ?! თუ თანახმა ვარ, რომ ყველა პატიმარი გამოვუშვათ? არ ჭამას და ვერ ჭამას შორის დიდი სხვაობაა. ჩვენ ექიმებისგან და იმ ადამიანებისგან, ვინც მასთან მუდმივად არიან, გვესმის, რომ როდესაც გარკვეული პერიოდია და მას მოსწონს რაღაც საკვები, ის იღებს ამ საკვებს.

როდესაც ცენტრი „ემპათია“, თუ სხვა გაურკვეველი პირები კონსულტაციას აძლევენ, რომ მან მიიღოს ნაკლებკალორიული საკვები, ეს არის უბედურება. ეს ადამიანები ამ ადამიანს არ გულშემატკივრობენ. ამ ადამიანის სიცოცხლეს და ჯანმრთელობას, მგონი, მართლა მარტო პენიტენციური სისტემა და საქართველოს ხელისუფლება გულშემატკივრობს იმიტომ, რომ ყველაზე კარგად ჩვენ გვესმის ეს პასუხისმგებლობა, ყველაზე კარგად ჩვენ გვესმის, რა თავის ტკივილი შეიძლება მოჰყვეს მართლაც ამ ადამიანის ჯანმრთელობის დაზიანებას, რომელსაც ხელს უწყობენ, არ მინდა ოჯახს შევეხო, მაგრამ ადამიანები, ვინც მას კონსულტაციას უწევენ და უბიძგებენ ამისკენ, ვგულისხმობ გარკვეულ სამედიცინო ჯგუფს, რომელიც პენიტენციურის სისტემისა და „ვივამედის“ კლინიკის მიღმაა, ასევე ვგულისხმობ პოლიტიკური ჯგუფს, რომელსაც დარწმუნებული ვარ, საერთოდ არ ანაღვლებთ სააკაშვილის ჯანმრთელობა. პირიქით, რაც უფრო დასნებოვნებული იქნება სააკაშვილი, მით უფრო ეს არის თავიანთი პოლიტიკის დღის წესრიგის ძირითადი ნაწილი“, - აცხადებს ოდიშარია.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024