კიბოსთან ბრძოლის დღესთან დაკავშირებით თბილისის ანძა ლურჯად და ნარინჯისფრად განათდა

კიბოსთან ბრძოლის საერთაშორისო დღესთან დაკავშირებით, მსოფლიოს სხვადასხვა ქალაქის ღირსშესანიშნაობების მსგავსად, თბილისის სატელევიზიო ანძა ლურჯად და ნარინჯისფრად განათდა.

თბილისის მერიის მიერ გავრცელებული ინფორმაციით, ამ დღის მიზანია კიბოსთან დაკავშირებულ საკითხებზე ცნობიერების ამაღლება, რათა ყოველწლიურად, ლეტალობის მილიონობით შემთხვევა იქნას თავიდან არიდებული.

„ამ დღის აღნიშვნის იდეა კიბოს კონტროლის საერთაშორისო კავშირს (UICC) ეკუთვნის. ორგანიზაცია ხელისუფლებებსა და ხალხს მოქმედებისკენ მოუწოდებს მსოფლიოში მილიონობით ადამიანის გადასარჩენად. კიბოსთან ბრძოლის საერთაშორისო დღის დევიზია „ერთად აღმოვფხვრათ ხარვეზები“.

თბილისის მერია სხვადასხვა პროგრამის განხორციელებით მაქსიმალურად ცდილობს მოსახლეობაში კიბოს გავლენის შემცირებას. ჯანდაცვისა და სოციალური მომსახურების საქალაქო სამსახური ონკოლოგიური დაავადებების პრევენციისა და მკურნალობის მიზნით, დაავადებათა სკრინინგის, ძვლის ტვინის გადანერგვის (ე.წ. ლეიკემიის) ძუძუს კიბოს სამკურნალო მედიკამენტებისა და სამედიცინო საჭიროებების დაფინანსების პროგრამებს ახორციელებს.

თბილისის მერიის ჯანდაცვისა და სოციალური მომსახურების საქალაქო სამსახურის 2023 წლის ბიუჯეტი ჯანდაცვის პროგრამების მიმართულებით 27 160 600 ლარს შეადგენს“,- ნათქვამია გავრცელებულ ინფორმაციაში.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია