„ვოლტის“ კურიერები გაიფიცნენ და აპლიკაციაც გათიშეს. ისინი დღეს თავისუფლების მოედანზე შეიკრიბნენ და განაცხადეს, რომ სამუშაო პირობების გაუმჯობესებას ითხოვენ.

გაფიცული კურიერების განცხადებით, მათი ანაზღაურება არის მიზერული და ტარიფის ზრდას მოითხოვენ.

მათივე განმარტებით, „ვოლტის“ ხელმძღვანელობასაც შეხვდნენ, თუმცა, მათ შორის შეთანხმება ვერ შედგა.

„ჩვენი მოთხოვნა არის ტარიფების გაზრდა. არის კიდევ ბევრი ხარვეზი, რის შედეგადაც შემოსავალი გვაკლდება. ისედაც დაბალი ტარიფი გვაქვს და შემოსავალი გვაკლდება. ხარვეზები არის კილომეტრების ცდომილება, რასაც რამდენიმე თვეა გვეუბნებიან, რომ გაასწორებენ, მაგრამ უკვე ამდენი ხანია ეს პრობლემა არ გამოსწორებულა. ხელმძღვანელობის მხრიდან არანაირი რეაგირება არ მოჰყოლია“, - განაცხადა ერთ-ერთმა გაფიცულმა კურიერმა.