პირველი 1 თვე დავკავდები ლოჯისტიკის დალაგებით, ცხადია, პარალელურად უმნიშვნელოვანესია პრეზიდენტ სააკაშვილის ჯანმრთელობა და სიცოცხლე, ამიტომ ხვალ, 17:00 საათზე ყველას სასამართლოსთან გელოდებით , - ამის შესახებ „ერთიანი ნაციონალური მოძრაობის“ თავმჯდომარემ, ლევან ხაბეიშვილმა ჟურნალისტებთან განაცხადა.
როგორც ხაბეიშვილი განმარტავს, პარტია ხვალიდან სტრუქტურულად დაიწყებს მუშაობას.
"პარტიის ყრილობაზე დამტკიცდა პარტიის თავმჯდომარე, გენერალური მდივანი, აირჩა ახალი პოლიტიკური საბჭო და ვაკანტური დარჩა პოლიტსაბჭოს უმრავლესობა, რომელიც არჩევითი იქნება. შესაბამისად, ყველას შეუძლია ჩაერთოს ამ შიდაპარტიულ არჩევნებში.
ეს გადაწყვეტილებები დაჩქარებულ წესით იმიტომ მოხდა, რომ პარტიამ სწრაფად გააგრძელოს ფუნქციონირება, მათ შორის, არ შეექმნას ბიუროკრატიული პრობლემები. დღეს ყველა ეს ბიუროკრატიული პრობლემა გადაჭრილია, პარტია ხვალიდან სტრუქტურულად დაიწყებს მუშაობას. მე პირობა მივეცი რაიონული ორგანიზაციის ხელმძღვანელებს, ჩვენს ხალხს, ვინც ელოდება პრეზიდენტ სააკაშვილის თავისუფლებას, რომ დავიწყებთ მოქმედებას. პირველი 1 თვე დავკავდები ამ ლოჯისტიკის დალაგებით, ამასობაში, ცხადია, პარალელურად უმნიშვნელოვანესია პრეზიდენტ სააკაშვილის ჯანმრთელობა და სიცოცხლე, ამიტომ ხვალ, 17:00 საათზე ყველას სასამართლოსთან გელოდებით“, - აღნიშნავს ხაბეიშვილი.