მოსალოდნელი თოვლიანი ამინდის გამო, სტამბოლში ორშაბათისთვის დაგეგმილი 170 ავიარეისი გაუქმდა, - ინფორმაციას თურქული მედია „თურქეთის ავიახაზებზე“ დაყრდნობით ავრცელებს.

მათივე ინფორმაციით, ფრენების გაუქმება მეტეოროლოგიური სამსახურის რეკომენდაციით მიიღეს.

სტამბოლის აეროპორტიდან ან მისი მიმართულებით 152 რეისი გაუქმდა, საბიჰა გიოქჩენის საერთაშორისო აეროპორტიდან კი - 18 რეისი.

უამინდობის გამო, სტამბოლსა და დედაქალაქ ანკარაში ორშაბათს სკოლებიც დაიხურება.