თურქეთის შინაგან საქმეთა მინისტრის, სულეიმან სოილუს ინფორმაციით, თურქეთში მომხდარი ძლიერი მიწისძვრის შედეგად 10 ქალაქი დაზარალდა.
მისი თქმით, დაზარალდა ქალაქები გაზიანთეფი, ქაჰრამანმარაში, ჰათაი, ოსმანიე, ადიამანი, მალატია, შანლიურფა, ადანა, დიარბაქირი და ქილისი.
შეგახსენებთ, თურქეთში დღეს დილით ძლიერი მიწისძვრა მოხდა. აშშ-ის გეოლოგიური სამსახურის ცნობით, მიწისძვრის ბიძგების სიმძლავრე 7.8 მაგნიტუდა იყო. თურქი სეისმოლოგების შეფასებით კი კი მიწისძვრის სიმძლავრე 7.4 მაგნიტუდას შეადგენდა. მედიის ინფორმაციით, მიწისძვრას მინიმუმ 15 ადამიანის სიცოცხლე ემსხვერპლა. დანგრეული ათობით შენობა და ნანგრევებში ადამიანები არიან მოყოლილი.