ჩრდილოეთ სირიაში მიწისძვრას მინიმუმ 8 ადამიანი ემსხვერპლა
ჩრდილოეთ სირიაში მიწისძვრის შედეგად სულ მცირე 8 ადამიანი დაიღუპა, - მედიის ინფორმაციით, ამის შესახებ ადგილობრივ საავადმყოფოში აცხადებენ.
„აზაზისა და ალ-ბაბის რეგიონებში რვა ადამიანი დაიღუპა,” - განუცხადა „ფრანს-პრესს“ საავადმყოფოს წარმომადგენელმა და დასძინა, რომ დაღუპულების რიცხვი სავარაუდოდ გაიზრდება, რადგან სამძებრო-სამაშველო სამუშაოები გრძელდება.
სირიის სამოქალაქო თავდაცვის, სამძებრო-სამაშველო სამსახურის წევრებმა გაავრცელეს ვიდეო თურქეთის საზღვართან მდებარე იდლიბის პროვინციის ქალაქ სალკინიდან და განაცხადეს, რომ დანგრეული შენობების ქვეშ მყოფი ადამიანების გადასარჩენად მუშაობა დაწყებულია.
