გიორგი კირთაძე - „ნაციონალური მოძრაობის“ პოლიტსაბჭოს წევრად ისე ამირჩიეს, რომ ჩემთვის აზრი არავის უკითხავს - არ ვაპირებ ვიყო იმ ორგანოს წევრი, რომლის დაკომპლექტების წესი დიდი კითხვის ნიშნის ქვეშაა
„ერთიანი ნაციონალური მოძრაობის” წევრი გიორგი კირთაძე პარტიაში გამართულ პოლიტსაბჭოს სხდომას გამოეხმაურა.
მისივე განცხადებით, პოლიტსაბჭოს წევრად ისე აირჩიეს, რომ მისთვის აზრი არ უკითხავთ. როგორც კირთაძემ აღნიშნა, არ აპირებს იყოს იმ ორგანოს წევრი, რომლის დაკომპლექტების წესი დიდი კითხვის ნიშნის ქვეშაა.
„პოლიტიკაში ყველა პარტიულ თანამდებობაზე მაღალი თანამდებობა - თანამოქალაქეების მხარდაჭერაა, რომელსაც ყოველი ფეხის ნაბიჯზე ვგრძნობ, რისთვისაც დიდი მადლობა თითოეულ მათგანს.
იმ ყრილობაზე, რომელზეც არავის მივუწვევივარ, პოლიტსაბჭოს წევრად ამირჩიეს ისე, რომ ჩემთვის აზრი არავის უკითხავს. ბუნებრივია, არ ვაპირებ ვიყო იმ ორგანოს წევრი, რომლის დაკომპლექტების წესი, საჯაროობა და გამჭვირვალობა ძალიან დიდი კითხვის ნიშნის ქვეშ დგას“, - განაცხადა გიორგი კირთაძემ.
