სოსო გიორგაძე საქმიანი ვიზიტით ამერიკის შეერთებულ შტატებში გაემგზავრა

საქართველოს ინტელექტუალური საკუთრების ეროვნული ცენტრის თავმჯდომარე სოსო გიორგაძე აშშ-ს საპატენტო და სასაქონლო ნიშნების უწყების (USPTO) მიწვევით აშშ-ში გაემგზავრა. ამის შესახებ ინფორმაციას „საქპატენტი“ ავრცელებს.

მათივე ცნობით, ვიზიტის ფარგლებში საქპატენტის ხელმძღვანელი მონაწილეობას მიიღებს ამერიკის საპატენტო უწყების მიერ ორგანიზებულ ადმინისტრაციულ პროგრამაში, რომელიც 6-10 თებერვალს ალექსანდრიაში (ვირჯინიის შტატი) გაიმართება.

„ღონისძიებაში მონაწილეობის მისაღებად მსოფლიოს 30 ქვეყნის საპატენტო უწყების წარმომადგენლები არიან მიწვეულნი. პროგრამის ფარგლებში დაგეგმილია ინტელექტუალური საკუთრების ეროვნული უწყებების ფუნქცია-მოვალეობების, ბიუჯეტის ფორმირებისა და საქმიანობის სტრატეგიული დაგეგმვის საკითხების განხილვა.

გარდა ამისა, შეხვედრაზე ყურადღება გამახვილდება ჰიბრიდული სამუშაო გარემოს შექმნის უპირატესობაზე, მონაცემთა ბაზების გაუმჯობესებასა და მეტი გამჭვირვალობის მიღწევის საშუალებებზე. მონაწილეები იმსჯელებენ, ასევე, სასაქონლო ნიშნებთან დაკავშიებული სამართალწარმოებისა და აპელაციების საკითხებზე.

ამერიკის შეერთებულ შტატებში ვიზიტის ფარგლებში დაგეგმილია, აგრეთვე, ორმხრივი შეხვედრები აშშ-ს სამთავრობო უწყებების წარმომადგენლებთან. „საქპატენტის“ თავმჯდომარის რანგში, სოსო გიორგაძის პირველი სამუშაო ვიზიტი აშშ-ში 5 დღეს გაგრძელდება“,- აღნიშნულია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია