ირაკლი ღარიბაშვილი - ჩვენ მოვახერხეთ, რომ ინფლაციის მაჩვენებელი იწყებს დასტაბილურებას - 9,4% არის მიმდინარე ინფლაცია, რაც არის საკმაოდ ოპტიმისტური

ჩვენ მოვახერხეთ, რომ ინფლაციის მაჩვენებელი იწყებს დასტაბილურებას, კერძოდ 9,4% არის მიმდინარე ინფლაცია, რაც არის საკმაოდ ოპტიმისტური, - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.

მისი თქმით, მიუხედავად იმისა, რომ საქართველომ გასული წელი ორნიშნა ეკონომიკური ზრდით დაასრულა, ინფლაცია ქვეყნისთვის ერთ-ერთ მთავარ გამოწვევად რჩება.

„მინდა კიდევ ერთხელ შევაფასოთ არსებული სიტუაცია და მიმდინარე ვითარება. იცით, რომ ჩვენ გასული წელი დავხურეთ ორნიშნა ეკონომიკური ზრდით. რამდენიმე კვირის წინ გამოქვეყნდა დაზუსტებული მონაცემები, კერძოდ 10,1% არის ეკონომიკური ზრდა 2022 წელს, რაც ნიშნავს იმას, რომ ბოლო 2 წელია ჩვენ გვაქვს ორნიშნა ეკონომიკური ზრდა, რაც, რა თქმა უნდა, შემთხვევით არ ყოფილა. ეს არის ჩვენი მთავრობის, ჩვენი ხელისუფლების გააზრებული, გონივრული პოლიტიკის შედეგი. მე, ასევე, მინდა გითხრათ, რომ ჩვენთვის ერთ-ერთი მთავარი გამოწვევა იყო ორნიშნა ინფლაცია. გასულ წელს, მოგეხსენებათ, იყო პერიოდი, როცა ინფლაციამ მიაღწია 12-13%-ს, მაგრამ ეს არ იყო მხოლოდ ჩვენს ქვეყანაში. ეს არის გლობალური გამოწვევა, პრობლემა, რომელიც დაიწყო კორონავირუსის პანდემიის დროს, შემდეგ გაგრძელდა უკრაინაში ომის შემდეგ. ამას დაარქვეს ევროპაში ომის ინფლაცია და ბუნებრივია, ჩვენ არ ვიქნებოდით გამონაკლისი ამ შემთხვევაში. ამის მიუხედავად, ჩვენ მოვახერხეთ, რომ ინფლაციის მაჩვენებელი იწყებს დასტაბილურებას, კერძოდ 9,4% არის მიმდინარე ინფლაცია, რაც არის საკმაოდ ოპტიმისტური და გვაძლევს ოპტიმიზმის საფუძველს. მაგრამ ეს არ არის საკმარისი, ჩვენი ამოცანაა, რომ მაქსიმალურად შევამციროთ ინფლაცია. მოგეხსენებათ, ფასები არის ის პრობლემა და გამოწვევა, რომელიც მთელ მსოფლიოს და ჩვენს ხალხს აწუხებს“,- განაცხადა ირაკლი ღარიბაშვილმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია